Posted: 07/03/2012 04:30 PM IST

సాధారణంగా ఇండస్ట్రీలో పవన్ కళ్యాణ్ సినిమా అంటేనే దానికి యమ క్రేజ్ ఉంటుంది. సినిమా షూటింగ్ ప్రారంభం అయినప్పటి నుండే ఆ సినిమాని సొంతం చేసుకోవడానికి ఎగబడుతుంటారు. ఇక ఆ సినిమా ఓవర్సీస్ రేట్లు కూడా ఓ రేంజ్ లో ఉంటాయి. తాజాగా పవన్ కళ్యాణ్ నటించిన గబ్బర్ సింగ్ సినిమా సూపర్ హిట్ కావడంతో పవన్ తరుపరి సినిమా ‘‘కెమెరామెన్ గంగతో రాంబాబు’’ సినిమా క్రేజీ కాంబినేషన్ లో రూపొందుతున్న తరుణంలో ఈ సినిమా ఓవర్సీస్ రేట్లు కూడా భారీగా పెరిగిపోయాయి. ప్రస్తుతం ఈ సినిమా ఓవర్సీస్ రేటు ఐదు కోట్లకు పైగా ఆఫర్ ఇస్తున్నారని చెప్పుకుంటున్నారు. అయితే, నిర్మాత మాత్రం ఇంతవరకు ఎవరికీ కమిట్ కాలేదట.

ఇక ఈ సినిమా విషయానికి వస్తే పవన్ కళ్యాణ్ ఈ సినిమాలో జర్నలిస్టుగా నటిస్తాడని మొదటి నుండి టాక్. కానీ ఈ సినిమాలో మెకానిక్ గా నటిస్తున్నాడని అంటున్నారు. ఈ చిత్రం షూటింగ్ ప్రస్తుతం సారథి స్టూడియోలో వేసిన భారీ సెట్ లో జరుగుతుంది. ఈ సెట్ లోనే ఐటెం సాంగును కూడా చిత్రీకరిస్తున్నారు.