Posted: 06/28/2012 07:56 PM IST

     హాస్యంతో తెలగు తెరపై నవ్వులు పూయించిన నటుడు డా. రాజేంద్రప్రసాద్. టాలీవుడ్ ను  నవ్వుల ప్రవాహంతో ముంచెత్తిన ఈ రాజేంద్రుడు, ఇటీవల పరిణతి గల పాత్రల్లో నటిస్తూ తన ప్రత్యేకతను చాటుకుంటున్నారు. తాజాగా ఆయన నటించిన 'ఓనమాలు' చిత్రం ఆగస్టు 9 న ప్రేక్షకుల ముందుకి రానుంది. ఈ సినిమాలో స్కూలు హెడ్ మాస్టర్ గా రాజేంద్రప్రసాద్, అతని భార్యగా కల్యాణి నటించారు.
     క్రాంతిమాధవ్ దర్శక నిర్మాతగా వ్యవహరించిన ఈ సినిమా ఇప్పటికే 'అచ్చమైన తెలుగు కథ' గా పరిశ్రమ పెద్దల ప్రశంసలు అందుకుంది. ఈ సినిమాలో సున్నితమైన భావాలను అద్భుతంగా ఆవిష్కరించారనీ ... కోటీ సంగీతం - సిరివెన్నెల సాహిత్యం ప్రధాన ఆకర్షణగా నిలుస్తాయని చెబుతున్నారు.
     గతంలో వచ్చిన ' ఆ నలుగురు' ..., 'మీ శ్రేయోభిలాషి' చిత్రాల మాదిరిగానే ఈ సినిమా కూడా విజయం సాధించడం ఖాయమని పరిశీలకులు అభిప్రాయపడుతున్నారు. సమాజానికి దోహదికారిగా ఉండే ఏసినిమా అయినా విజయం సాధించాలిమరి...

...avnk