Posted: 06/28/2012 04:25 PM IST

     

      సంచలన దర్శకుడేకాదాయన సంచలన వార్తలు తయారు చేసే క్రియేటివ్ జర్నలిస్ట్ కూడా.. అతనింకెవరో కాదు.. మన రామ్‌ గోపాల్‌ వర్మ. ఈ సంచలనం  మరోసారి వార్తల్లోకి వచ్చాడు. కొన్నాళ్లపాటు ప్రేక్షకుల్ని భయపెడతానంటూ దయ్యాల సినిమాలు తీసిన వర్మ కొద్దికాలంగా ఏదో ఓ కామెంట్‌ చేస్తూ న్యూస్‌లో స్థానం సంపాదిస్తున్నాడు.  ఈ దఫా విభిన్నంగా ఓ ప్రముఖ దర్శకుడ్ని తన పొగడ్తతో భయపెడుతున్నాడు. రాము ఇచ్చిన కాంప్లిమెంట్‌తో భయపడుతున్న ఈ టాలీవుడ్ స్టార్‌ దర్శకధీరుడు ఎవరా అనుకుంటున్నారా... ఎవరో కాదండి తెలుగు సినిమా స్టామినా ఏంటో నిరూపించిన  స్టార్‌ డైరెక్టర్‌ రాజమౌళి. వర్మ లాంటి గ్రేట్‌ డైరెక్టర్‌ పొగితే సంతోషపడాలి గాని భయపడటమేంటి అనుకుంటున్నారా..? అందులోనూ ఓ లాజిక్‌ ఉంది. గతంలో వర్మ ఇలా ఆకాశానికెత్తేసిన సినిమాలన్నీ అట్టర్‌ ఫ్లాప్స్‌ గా మిగిలియి. దీంతో ఇప్పుడు ఈ సినిమా వర్మ కామెంట్‌ దెబ్బకు ఎమైపోతుందో అని భయపడుతున్నాడు రాజమౌళి. ఇంతకీ ఇంత చర్చకు కారణం అయిన ఆ కామెంట్‌ ఎంటనుకుంటున్నారా.. మరేం లేదండి. ఈగ సినిమా చూసిన వర్మకి అది విపరీతంగా నచ్చేసిందట అందుకే ఈ సినిమా ఎలాగైన 100 కోట్లు కలెక్ట్‌ చేసేస్తుందని మొన్నరాత్రి ఓ ట్వీటిచ్చాడు. వర్మ మాటలు నిజమై నిజంగానే ఈగ 100 కోట్ల మార్క్‌ అందుకుంటే మాత్రం రాజమౌళికి జాతీయస్థాయిలో మంచి ఇమేజ్‌ వస్తుంది. ఒకవేళ అందుకోలేక పోతే మాత్రం ఆ పాపమంతా వర్మమేడకే చుట్టుకుంటుంది మరి. కాని ఇలాంటి విశ్లేషణలు వర్మకు పడతాయంటారా... ఆయనసలే.. మోనార్కాయే....

...avnk