Posted: 06/22/2012 06:33 PM IST

      సంచలనాలకు మారుపేరైన క్రియేటివ్ డైరెక్టర్ శంకర్. 'స్నేహితుడు' చిత్రం తర్వాత ఈ తమిళ దర్శకుడు రూపొందించే చిత్రానికి సంబంధించిన అధికారిక ప్రకటన ఇవాళే వెలువడింది. విక్రమ్, సమంతా జంటగా నటించే ఈ చిత్రానికి 'తిర్డాల్' అనే పేరు పెట్టినట్టు నిన్నటి వరకు వార్తలొచ్చాయి. అయితే, ఈ చిత్రం పేరు 'ఐ' అని శంకర్ తాజాగా ప్రకటించాడు. తమిళంలో 'ఐ' అంటే అందం, రాజు, గురువు... వంటి పలు అర్ధాలున్నాయి. అయితే, శంకర్ ఏ భావంతో ఈ పేరు పెట్టాడో మాత్రం తెలియరాలేదు. సినిమా రొమాంటిక్ థ్రిల్లర్ గా రూపొందుతుందని శంకర్ చెప్పడాన్ని బట్టి చూస్తే కనుక, 'అందం' అనే అర్థాన్నే తీసుకోవచ్చు!  కాగా, కొంతమంది హాలీవుడ్ టెక్నీషియన్లు ఈ చిత్రానికి పనిచేస్తున్నట్టు శంకర్ వెల్లడించాడు. MIB (Men in Black) చిత్రానికి కాస్ట్యూమ్స్ డిజైన్ చేసిన  మేరీ వాగ్ట్ దీనికి పనిచేస్తున్నాడు. చైనాకు చెందిన పీటర్ మింగ్ యాక్షన్ దృశ్యాలు కంపోజ్ చేస్తాడు. ఏ.ఆర్.రెహ్మాన్ సంగీతం సమకూరుస్తున్న ఈ చిత్రానికి పీసీ శ్రీరాం ఫోటోగ్రఫీ బాధ్యత నిర్వహిస్తున్నారు. వచ్చే నెల నుంచి ఈ చిత్రం షూటింగు మొదలవుతుందని శంకర్ వెల్లడించారు. ఈ చిత్రం ద్వారా అపరిచితుడంతటి వైభవాన్ని సాధించుకోవాలని విక్రమ్ ఆశగా ఎదురుచూస్తున్నాడు.

...avnk