Posted: 06/19/2012 03:55 PM IST

     నేనే అతని తొలి ప్రపంచం కావాలంటోంది చేప కళ్ల శ్రియా. ఈ ఢిల్లీ బ్యూటీ ఇప్పుడు చాంతాడంత కోరికల లిస్టు బయటపెడుతోంది. కొత్త సినిమాల ఎంపికలో అనుకుంటున్నారా... ఆ విషయంలో ఇప్పుడు ఆమెకంత సీను లేదుకదా... మరి, ఎందులో అనే కదా మీ డౌటు? అక్కడికే వస్తున్నాం...  తన కాబోయే శ్రీవారికి ఉండాల్సిన లక్షణాలకు సంబంధించిన లిస్టు అది. తన కాబోయే మొగుడు ఏ విషయాన్నీ తన దగ్గర దాచకూడదట... ఏదైనా సరే తనకు తెలిసే చేయాలట. ఈ ప్రపంచంలో ఎవరైనా సరే అతనికి తన తర్వాతే అవ్వాలట. "అవును... నేనే అతని తొలి ప్రపంచం కావాలి. నన్ను అర్ధం చేసుకునే మనస్తత్వం వుండాలి. నేను చెప్పిన దానికి కాదనకూడదు. ఎంతో నిజాయతీపరుడై వుండాలి..." అంటూ సవా'లక్ష' కండిషన్లు పెడుతోంది. అయితే, ఈ లక్షణాలున్న మొ(న)గాడు ఇంతవరకు ఆమెకు తారసపడలేదట. పడితే కనుక పెళ్లి గురించి ఓ నిర్ణయం తీసుకుంటానని చెబుతోంది శ్రియా. నిజంగా ఇన్ని లక్షణాలున్న పురుష పుంగవుడు ఈ అందగత్తెకి దొరుకుతాడా... అన్నదే ఇప్పుడు చాంతాడంత సంశయం.

...avnk