Posted: 06/16/2012 02:06 PM IST

క్రియేటివ్ అండ్ సక్సెస్ ఫుల్ చిత్రాల దర్శకుడిగా పేరుతెచ్చుకున్న పూరిజగన్నాథ్ , ఇటీవలే గబ్బర్ సింగ్ హిట్ తో మళ్ళీ ఫాంలోకి వచ్చిన పవన్ కళ్యాణ్ ల కాంబినేషన్ లో రూపొందుతున్న చిత్రం ‘‘కెమెరామెన్ గంగంతో రాంబాబు’’. ఈ సినిమా గతంలోనే ప్రారంభం అయినా, రెగ్యులర్ షూటింగ్ మాత్రం నిన్నటి నుండే ప్రారంభం అయింది. ఈ సినిమాలో పవన్ కళ్యాణ్ ఎలక్ట్రానిక్ మీడియా జర్నలిస్టుగా నటిస్తున్న విషయం తెలసిందే. ఈ చిత్రానికి సంబంధించిన ఓ స్టిల్ లీకైంది. ఇందులో పవర్ స్టార్ ముఖానికి ముసుగు ధరించి కనిపిస్తున్నాడు. మీడియా జర్నలిస్టు పాత్ర పోషిస్తున్న పవన్ సీక్రెట్‌గా న్యూస్ కవర్ చేయడంలో బాగంగా ఈ ముసుగు ధరిస్తాడని తెలుస్తోంది.

మరి గబ్బర్ సింగ్ హిట్ తరువాత వస్తున్న చిత్రం ఇదే కావడంతో పవన్ కళ్యాణ్ అభిమానుల్లో భారీ ఎక్స్ పెక్టేషన్స్ ఉన్నాయి. దానికి తగ్గట్లే పూరి పవర్ ఫుల్ సబ్జెక్టు, అంతకంటే పరవ్ ఫుల్ డైలాగ్స్ కలగలిపి అదిరిపోయే ఎంటర్‌టైన్మెంట్ సినిమాగా రూపొందబోతుందని అంటున్నాడు. సినిమా షూటింగుల విషయంలో పక్కా ప్లాన్ ఫాలో అయ్యే దర్శకుడు పూరి జగన్నాథ్... ఈ చిత్రాన్ని పర్ ఫెక్ట్ ప్లాన్ ప్రకారం పూర్తి చేసి అక్టోబర్ 18న ప్రేక్షకుల ముందుకు తెచ్చేందుకు సన్నాహాలు చేస్తున్నారు. పవన్ కళ్యాన్ సరసన తమన్నా హీరోయిన్ గా నటిస్తున్న విషయం తెలిసిందే.