Posted: 06/13/2012 07:19 PM IST

       ఒకప్పుడు బాలీవుడ్ ని మాధురీ దీక్షిత్ ఊపేసిన సంగతి తెలిసిందే. అయితే ప్రస్తుతం ఆమె ఇద్దరు పిల్లలకు తల్లి అయినా.. నలభై ఐదు ఏళ్ల నడిమి వయసులో వున్నా... వెండితెర మీద గ్లామర్ ఒలకబోయడానికి తాను సిద్ధమే అంటోంది. పైగా, ప్రేమ సన్నివేశాల్లో నటించడానికి కూడా తనకు అభ్యంతరం లేదని చెబుతోంది. తాజాగా తను 'ఇష్కియా' చిత్రానికి సీక్వెల్ అయిన 'దేడ్ ఇష్కియా' చిత్రంలో కథానాయికగా నటించడానికి అంగీకరించింది. 'ఇష్కియా'లో కథానాయికగా నటించిన విద్యాబాలన్ అందులో ఏకకాలంలో ఇద్దరు కుర్రాళ్ళతో ప్రేమాయణం నడుపుతుంది. హీరోలతో సన్నిహితంగా మెలిగే సన్నివేశాలు కూడా అందులో వున్నాయి. ఇదే విషయం ప్రస్తావిస్తే, మాధురి ఏమాత్రం సంకోచించకుండా, 'వివాహం, మాతృత్వం అనేవి ఒక ఆర్టిస్టు పని విషయంలో ప్రతిబంధకాలు కావు. ఈ సినిమా కథలో అలాంటి సన్నివేశాలుంటే కనుక కచ్చితంగా చేస్తాను. నేనొక ఆర్టిస్టుని. కథ ప్రకారం దర్శకుడు ఎలా చేయమంటే అలా చేస్తాను. ఇందులో సిగ్గు పడాల్సిన అవసరం లేదు' అని తేల్చేసింది.

...avnk