Posted: 06/06/2012 07:09 PM IST

      విక్టరీ వెంకటేష్ సినిమాలకు ఎప్పుడూ క్రేజ్ తగ్గదు. ఇంటెల్లపాదీ హాయిగా సినిమా చూసే అవకాశం కల్పించేందుకు వెంకీ ఎంతో శ్రమిస్తారు. అలాంటి సినిమాలనే ఆయన అందించేందుకు తహతహలాడతారు. ఇంకా ఆయన గురించి చెప్పాలంటే.. అన్ని వర్గాల ప్రేక్షకులని అలరించేలా కామెడీని పండించడంలో వెంకటేష్ సిద్ధహస్తుడు. ఆయన హాస్యానికి త్రివిక్రం మాటల గారడీ తోడైతే ఎలా ఉంటుందనేది 'నువ్ నాకు నచ్చావ్' ... 'మల్లీశ్వరీ' చిత్రాలు నిరూపించాయి. ఇక ఇప్పుడు కేవలం మాటల రచయితగానే కాకుండా, దర్శకుడిగా వెంకటేష్ సినిమాని తెర కెక్కించబోతున్నాడు త్రివిక్రం. తాజాగా అందిన సమాచారం ప్రకారం వీరిద్దరి కాంబినేషన్లో ఓ సినిమా రూపొందనున్నట్టు ఫిల్మ్ నగర్లో ప్రచారం జరుగుతోంది. ఫ్యామిలీ ఎంటర్ టైనర్ గా కొనసాగే ఓ కథని వెంకటేష్ కి త్రివిక్రం వినిపించాడనీ ... అలాంటి సబ్జెక్ట్ కోసమే ఎదురు చూస్తోన్న  వెంకటేష్ వెంటనే గ్రీన్ సిగ్నల్ ఇచ్చాడని చెప్పుకుంటున్నారు. ప్రస్తుతం వెంకటేష్ 'సీతమ్మ వాకిట్లో సిరిమల్లె చెట్టు' ... 'షాడో' చిత్రాల షూటింగులతో బిజీగా వున్నారు. త్రివిక్రం కూడా 'జులాయి'ని ప్రేక్షకుల ముందుకి తెచ్చే ప్రయత్నాల్లో ఉన్నారు. అందువల్ల ఈ హడావిడి పూర్తి కాగానే, కొత్త ప్రాజెక్ట్ కి శ్రీకారం చుడతారని తెలుస్తోంది. అదే నిజమైతే ఇక ప్రేక్షకులు కుర్చీల్లో కూర్చోలేనంతగా విరగబడి నవ్వేస్తారన్నమాట.

...avnk