Posted: 05/28/2012 03:07 PM IST

      ఏమహూర్తాన తెలుగు చిత్ర సీమలో అడుగిడిందో గాని అందాల భామ సమంతా, చాలా లక్కీగాల్ అయిపోయింది. అనతికాలంలోనే తెలుగు టాప్ స్టార్స్ తో నటించి సంచలన విజయాలు తన ఖాతాలో వేసుకున్న ఈ చెన్నై సుందరి ప్రస్తుతం ఓ పక్క మణిరత్నం సినిమాలో నటిస్తూ, మరోపక్క తాజాగా శంకర్ దర్శకత్వంలో నటించే చాన్స్ కూడా కొట్టేసింది. విక్రమ్ హీరోగా శంకర్ రాజకీయ నేపథ్యంలో రూపొందించనున్న చిత్రంలో కథానాయికగా నటించడానికి సమంతా సంతకం చేసినట్టు కోలీవుడ్ నుంచి అందుతున్న వార్తలను బట్టి తెలుస్తోంది. ఈ సినిమాలో కథానాయిక ఎంపిక కోసం శంకర్ చాలా కసరత్తే చేశాడు. ప్రియాంకా చోప్రా, అసిన్ వంటి హీరోయిన్లను కూడా పరిశీలించాడు. చివరికి సమంతాని ఫిక్స్ అయ్యాడట. ఏ.ఎం.రత్నం నిర్మించే ఈ చిత్రానికి శంకర్ అభిమాన సంగీత దర్శకుడు ఏ.ఆర్.రెహ్మాన్ మ్యూజిక్ ఇస్తాడు. ఏమైనా, అనతికాలంలోనే ప్రముఖ దర్శకుల చిత్రాలలో నటించే అవకాశాలను సమంతా వెంటవెంటనే పొందడం నిజంగా అదృష్టమనే అనుకోవాలి కదా..

...avnk