Posted: 05/25/2012 01:41 PM IST

       అతను చేసిన సినిమా హిట్ అయినా, ఫట్ అయినా జయాపజయాలతో సంబంధం లేకుండా ఇమేజ్ పెంచుకున్న పవన్ కల్యాణ్ 'గబ్బర్ సింగ్' సంచలన విజయంతో మరోసారి తన స్థానాన్ని పటిష్టం చేసుకున్నారు. యూత్ అతని స్టయిల్ని విపరీతంగా అభిమానిస్తోంది ... అనుసరిస్తోంది. ఈ నేపథ్యంలో పవన్ కల్యాణ్ పేరుతో ఆయన బ్రాండ్ బట్టలు మార్కెట్లోకి రాబోతున్నాయి. ఈ ఆదివారం పవన్ కల్యాణ్ తన పేరుతో మార్కెట్లోకి వెళ్లనున్న బ్రాండ్ దుస్తుల్ని విడుదల చేస్తారు. 'స్పైడోస్ పవర్ స్టార్' అనే పేరుతో డిజైన్ చేసిన ఈ వస్త్రాలు, ఆయన స్టైల్ కి తగినట్టుగా ఉంటాయని చెబుతున్నారు. పవన్ లోని వైవిధ్యాన్ని ఇష్టపడుతోన్న కుర్రకారు వల్ల ఈ బ్రాండ్ బట్టలకి మంచి డిమాండ్ ఉంటోందని తెలుస్తోంది. ఈ వార్తని “పంజా” చిత్ర నిర్మాత నీలిమ తిరుమలశెట్టి దృవీకరించారు. “కళ్యాణ్ గారు స్పైడోస్ పవర్ స్టార్ అనే బ్రాండ్ ని ప్రారంభించనున్నారు. ఈ బ్రాండ్ ఆయన ఆలోచనలని స్టైల్ కి అద్దం పట్టేల ఉంటాయి” అని ట్వీట్ చేశారు.

...avnk