Posted: 05/17/2012 07:16 PM IST

       పెళ్లి కానుకకు కొత్త జంట ఫిదా అయిపోయింది.  అందాలతార స్నేహ, ప్రసన్నల పెళ్లికి ఎన్నో కానుకలువచ్చాయి. అయితే, వాళ్లందుకున్న ఒక అపురూపమైన కానుక మాత్రం ఆ దంపతుల్ని ఆనందడోలికల్లో ముంచెత్తుతోంది. పైగా, అది సూపర్ స్టార్ రజనీకాంత్ నుంచి అందుకోవడం మరో విశేషం. ఇటీవల వివాహం జరుపుకున్న ఈ దంపతులకి శుభాకాంక్షలు తెలుపడానికి రజనీ స్వయంగా వీళ్ళింటికి వచ్చాడు. తను ఎంతగానో ఆరాధించే రాఘవేంద్రస్వామి ఫోటోతో కూడిన ప్రేమ్ ను ఈ సందర్భంగా రజనీకాంత్ ఈ నూతన దంపతులకు కానుకగా అందించాడు. అది చూసి ఉబ్బితబ్బిబ్బయిన స్నేహ జంట, రజనీ పాదాలకు నమస్కరించి ఆశీస్సులు స్వీకరించారు. 'రజనీ సార్ తో గడిపిన ఆ క్షణాలు మాకు మధుర జ్ఞాపకాలు. ఆయన అందించిన కానుక మమ్మల్ని మంత్ర ముగ్దుల్ని చేసింది' అంటోంది ఈ ప్రేమజంట.
       ఇటీవలే దంపతులుగా మారి, తమ ప్రేమను పండించుకున్న స్నేహ, ప్రసన్న జంట ప్రస్తుతం ఆ పెళ్లి హడావిడి నుంచి కాస్త సేదతీరుతోంది. త్వరలోనే హనీమూన్ కోసం అమెరికా వెళ్ళడానికి వీరు ఏర్పాట్లు చేసుకుంటున్నారు. అయితే, వీరు తమ హనీమూన్ కి అమెరికాను ఎంచుకోవడానికి ఓ కారణం కూడా వుందట. అదేమిటంటే, గతంలో వీరిద్దరూ కల్సి 'అచ్చముండు అచ్చముండు' అనే చిత్రంలో భార్యాభర్తలుగా నటించారు. ఆ సినిమా షూటింగు అమెరికాలోనే జరిగింది. ఆ సమయంలోనే వీరి మధ్య ప్రేమ మొగ్గతొడిగింది. అందుకని ఆ సమయంలో తామిద్దరం కలిసి ఎక్కడెక్కడ తిరిగామో... ఎక్కడ తొలిసారిగా ప్రేమను పంచుకున్నామో... ఆ ప్రాంతాల తీపి జ్ఞాపకాలను స్వయంగా ఆస్వాదించాలని నిర్ణయించుకున్నారట.

...avnk