Posted: 04/25/2012 04:23 PM IST

               కింగ్ నాగ్ – నయనానందభరిత నయనతార కొత్త ప్రేమ పురాణానికి శ్రీకారం చుట్టుబోతున్నారు.  నాగార్జున, నయనతార హీరో హీరోయిన్లుగా ఓ చిత్రాన్ని తెరకెక్కించడానికి సన్నాహాలు జరుగుతున్న సంగతి మనకు తెలిసిందే. అయితే ఇప్పడు ఈ చిత్రం రూపొందించేందుకు సన్నాహాలు వేగిరమయ్యాయి.  కామాక్షి ఎంటర్ ప్రైజెస్ అధినేత శివప్రసాదరెడ్డి నిర్మించే ఈ చిత్రానికి దశరద్ దర్శకత్వం వహిస్తాడు.
               దీనికి సంబంధించిన స్క్రిప్ట్ వర్క్ ఇప్పటికే పూర్తయింది. తమన్ సంగీతం సమకూర్చే ఈ చిత్రానికి 'లవ్ స్టోరీ' అనే టైటిల్ ఖరారు చేసినట్టు తెలుస్తోంది. ఈ టైటిల్ని ఫిలిం చాంబర్లో రిజిస్టర్ కూడా చేశారు. 'మిస్టర్ పెర్ఫెక్ట్' హిట్ తర్వాత దశరద్ చేస్తున్న చిత్రం ఇదే! ప్రస్తుతం తాను చేస్తున్న 'శిరిడి సాయి' చిత్రం తర్వాత నాగార్జున ఈ చిత్రం షూటింగులోనే పాల్గొంటారని అంటున్నారు.
              కాగా, ఇంతకుముందు నాగార్జున, నయనతార 'బాస్' చిత్రంలో కలిసి నటించారు. ఈ చిత్రం చేసేందుకు నయన్ అధిక మొత్తం లో పారితోషకం తీసుకుంటున్నారని ఇటీవల వార్తలు వెలువడ్డాయి. 

....avnk