Posted: 04/05/2012 12:46 PM IST

             అంకితభావంలో తండ్రి మోహన్ బాబుకు మించిన తనయుడు మంచు మనోజ్. ఇది ఇప్పటికి అనేక సందర్భాల్లో రూఢీ అయిందికూడా. సినిమాల్లో నటించేటప్పుడు మనోజ్ చాలా డెడికేషన్ తో పనిచేస్తారు. ప్రస్తుతం “ఊ కొడతారా ఉలిక్కి పడతారా” చిత్ర చిత్రీకరణలో పాల్గొంటున్న ఈ  నటుడు జ్వరంతో బాధపడుతున్నా లెక్కచేయకుండా చిత్రీకరణలో పాల్గొన్నారు.
             అంతేకాదు.. తీయాల్సిన సీన్స్ కండలు చూపించాల్సినవి కావటంతో నీళ్ళు తాగకూడదనే సలహా మేరకు మనోజ్ అంత జ్వరంలోనూ దాదాపుగా 22 గంటలు నీళ్ళు తాగకుండా గడిపారు. ఈ విషయాన్ని ఆయనే స్వయంగా తన ట్విట్టర్ సందేశంలో పేర్కొన్నారు. ‘ ఇప్పుడే బేర్ బాడి సన్నివేశాలు చిత్రీకరణ పూర్తయ్యింది. దాదాపుగా 22 గంటల తరువాత నీళ్ళు తాగుతున్నాను. ఈ రోజు చిత్రీకరణ చాలా బాగుంది రేపు ప్రొద్దున ఆరు గంటల వరకు షూట్ జరుగనుంది.’ అని ట్విట్టర్ లో పేర్కొన్నారు.
               మోహన్ బాబు కుమార్తె, మనోజ్ సోదరి లక్ష్మీ ఎంతో ప్రతిష్టాత్మకంగా నిర్మిస్తోన్న ఈ చిత్రంలో బాల కృష్ణ మరియు దీక్ష సెత్ లు ప్రధాన పాత్రలు పోషిస్తున్నారు. శేఖర్ రాజ దర్శకత్వం వహిస్తుండగా, బొబో శశి సంగీతం.

...avnk