Posted: 03/22/2012 05:49 PM IST

           ఇండియన్ సినిమాలో కొత్త ఒరవడిని నెలకొల్పటంలో మేరునగధీరులు ఆ ఇద్దరు. ఎన్నో సుప్రసిద్ధ కళాకండాలు అందించిన దర్శకుడు మణిరత్నం ఒకరైతే, సంగీత మయాజాలికుడు ఏ ఆర్ రెహమాన్ మరొకరు. వీరి కలయిక లో “కడల్” చిత్రం తెరకెక్కుతోన్న సంగతి మనకి తెలుసు.

            అయితే ఈ సినిమాలో వచ్చే ఒక పాట కోసం చర్చలు జరిపారు ఈ ఉద్దండులు. అదీ ఎక్కడా అంటే సముద్రం మధ్యలో. దీనిని సాక్షాత్తూ ఏ ఆర్ రెహమాన్ ఇవాళ ట్విట్టర్ ద్వారా తెలిపాడు. అంతేకాదు వీరిరువురూ ఉన్న ఒక చిత్రాన్ని పోస్ట్ చేశాడు కూడా.
           ఇదిలా ఉండగా, మణిరత్నం దర్శకత్వం వహిస్తున్న చిత్రం “కడల్” ప్రస్తుతం మనప్పాడ్ దగ్గర తుత్రికోరిన్ అనే గ్రామంలో చిత్రీకరణ జరుపుకుంటుంది. జాలర్ల గ్రామం లో జరిగే ప్రేమ కథగా ఉండబోతున్న ఈ చిత్రం లో కార్తీక్ కుమారుడు హీరోగా, సమంతా హీరోయిన్ గా నటిస్తున్నారు. ఈ చిత్రం లో జాలర్లు ఎదుర్కొనే సమస్యల గురించి కూడా చర్చించబోతున్నారు.
           గౌతం, సమంత, లక్ష్మి మంచు, అరవింద్ స్వామి మరియు అర్జున్ లు ఈ చిత్రంలో ప్రధాన పాత్రలు.

...avnk