Posted: 02/09/2012 12:47 PM IST

త్వరలో ప్రేక్షకుల ముందుకు రాబోతోన్నపవర్ స్టార్ పవన్ కళ్యాణ్ సినిమా ‘గబ్బర్ సింగ్’ టీజర్ శివరాత్రి పర్వదినం నాడు రాబోతోంది. టీజర్ చాలా అబ్బురపరిచేలా ఉండబోతుందని చిత్రవర్గాలు అంటున్నాయి. ఎంతో ప్రతిష్టాత్మకంగా రూపొందిస్తోన్న ఈ సినిమా విడుదల కోసం మెగా ఫ్యాన్స్ తో పాటు, సినీ అభిమానులు ఎంతో ఆత్రంగా ఎదురుచూస్తున్నారు. ప్రస్తుతం రామోజీ ఫిల్మ్ సిటీ లో చిత్రీకరణ జరుగుతోంది. ఆర్ట్ డైరెక్టర్ బ్రహ్మ కడలి ఆధ్వర్యంలో ఓ భారీ సెట్ ను వేశారు. ఇందులో హీరోహీరోయిన్లపై కొన్ని సన్నివేశాలు చిత్రీకరిస్తున్నారు.

పవన్ కళ్యాణ్ సరసన శ్రుతి హాసన్ కథానాయికగా నటిస్తోన్న ఈ మూవీ ప్రజా క్షేమం కోసం నిబంధనలు సైతం అతిక్రమించే ఓ పోలీస్ ఆఫీసర్ కథ గా సాగుతుంది. ఈనెల 26 వరకూ రా.ఫి.సి లో షూటింగ్ కొనసాగుతుంది. గణేష్ బాబు నిర్మిస్తున్న ఈ చిత్రం హిందీ “దబాంగ్” కు రీమేక్. హరీష్ శంకర్ దర్శకత్వం వహిస్తున్నారు. ఏప్రిల్ 27 న విడుదల చెయ్యటానికి సన్నాహాలు జరుగుతున్నాయి.

...avnk