Power Star Pawan Kalyan At Ishq Audio Launching Function

Posted: 02/03/2012 03:52 PM IST

pawan_kalyan_in_ishk_audio_function నితిన్ అంటే నాకు ఇష్టం. అందుకే తనకోసమే ఈ వేడుకకు వచ్చాను.. ఈ సినిమా విజయం సాధించి నితిన్‌కి మరింత మంచిపేరు తెచ్చిపెట్టాలన్నారు పవర్ స్టార్ పవన్ కళ్యాణ్ ‘ఇష్క’ సినిమా ఆడియో విడుదల వేడుకలో. నాకెంతో ఇష్టమైన కెమెరామేన్ పి.సి.శ్రీరామ్.. ఆయన ఈ సినిమాకు పనిచేయడం ఆనందంగా ఉందని తెలిపారు. నేను ఫంక్షన్లకు రావటం చాలా అరుదని, ఈ సందర్భంగా మిమ్మల్నందర్నీ కలుసుకున్నందుకు సంతోషంగా ఉందని ఆడియన్స్ ని ఉద్దేశించి మాట్లాడారు. తొలి ఆడియో సీడీని పవన్‌కళ్యాణ్ ఆవిష్కరించి తొలి ప్రతిని కరుణాకరన్‌కి అందించారు.
ISHQ_Audio

అనంతరం హీరో నితిన్ మాట్లాడుతూ పవన్‌కళ్యాణ్‌గారంటే నాకెంత ఇష్టమంటే... నా బర్త్ డే వస్తే ఆ రోజంతా ఆయన ధరించిన టీ షర్ట్‌ నే వేసుకుంటుంటానన్నారు. ఇంటర్ అవ్వగానే యూఎస్ వెళ్ళిపోదామనుకున్నానని, సరిగ్గా అప్పుడే ‘తొలిప్రేమ’ విడుదలవటం, నాకు స్వతహాగా సినిమాలంటే ఇష్టమైనప్పటికీ ‘తొలిప్రేమ’తో అది పిచ్చిగా మారిందని నితిన్ వ్యాఖ్యానించారు.
ఓ రోజు కరుణాకరన్ మా ఇంటికొచ్చారు. నవ్వు బావున్నావు.. నీతో సినిమా తీస్తా అన్నారు. అప్పట్నుంచి ఊహాలోకంలో విహరించేవాడినని నితిన్ అన్నాడు.. ఈ ఆడియో రిలీజ్ కార్యక్రమంలో చిత్ర యూనిట్‌తో పాటు దిల్‌రాజు, నందినీరెడ్డి, శిరీష్, లక్ష్మణ్, ఆర్.ఆర్.మూవీమేకర్స్ సురేష్‌రెడ్డి, గణేష్‌బాబు, సుధాకరరెడ్డి, అలంకార్ ప్రసాద్ తదితరులు పాల్గొన్నారు.
నితిన్, నిత్యామీనన్ జంటగా విక్రమ్ కె.కుమార్ దర్శకత్వంలో విక్రమ్‌కుమార్‌గౌడ్ నిర్మించిన చిత్రం ‘ఇష్క్’. ఈ చిత్రానికి అనూప్‌రూబెన్స్, అరవింద్, శంకర్ స్వరాలను అందించారు. ఫిబ్రవరి 24న ఈ మూవీ ప్రేక్షకుల ముందుకు రాబోతోంది.

.....avnk