Posted: 01/26/2012 11:14 AM IST

          ప్రముఖ బాలీవుడ్ నటుడు ధర్మేంద్ర          సినీ పరిశ్రమకు అందించిన సేవలకు గాను పద్మభూషణ్ అవార్డు వరించింది. బాలీవుడ్ లో అంతా యాక్షన్ కింగ్ అని పిలుచుకునే ధర్మేంద్ర ఇప్పటివరకూ 247 సినిమాల్లో నటించారు. అతను నటించిన సినిమాల్లో ‘షోలే’లో ధరించిన పాత్ర చిరస్మరణీయం.

          ధర్మేంద్ర అసలు పేరు ధర్మేంద్రసింగ్. డిసెంబర్ 8వ తేదీ 1935లో పంజాబ్ లో జన్మించారు. ఓ స్కూల్ హెడ్ మాస్టర్ కడుపున పుట్టిన ఆయన సినిమలపై మోజుతో సినీ రంగంలోకి అడుగిడారు. ఇటీవలే ధర్మేంద్ర కూతురు ఇషాడియోల్ హీరోయిన్ గా రూపొందిన ‘టెల్ మి ఓ ఖుదా’ అనే సినిమాలో కీలక పాత్ర పోషించారు. ఈ చిత్రానికి ఆయన భార్య హేమామాలిని స్వయంగా దర్శకత్వ బాధ్యత వహించిన సంగతి మనకి తెలుసు.

          1960లో ‘దిల్ బి తేరా హమ్ బి తేరే’ సినిమాతో హిందీ పరిశ్రమకు పరిచయమైన ధర్మేంద్ర మొదటి సినిమాకే ఫిల్మ్ ఫేర్ న్యూ టాలెంట్ అవార్డు సొంతం చేసుకున్నారు. నేటికీ మేటినటుడిగా కొనసాగుతున్నారు. సినీ రంగంతో పాటు అటు రాజకీయాల్లో కూడా ధర్మేంద్ర తానేమిటో నిరూపించుకున్నారు. 2004 లోక్ సభ ఎన్నికల్లో ఆయన బీజేపీ తరపున రాజస్తాన్ లోని బికనీర్ నియోజకవర్గం నుంచి పోటీ చేసి గెలుపొందారు.

          ఆయన కుమారులు సన్నీడియోల్, బాబీడియోల్ కూడా చిత్ర పరిశ్రమలోనే కొనసాగుతున్నారు. మరో కూతురు అహనా డియోల్ కు డ్యాన్స్ అంటే ప్రాణం. ఇంకా అజేత డియోల్, విజేత డియోల్ కూడా ఆయన సంతానమే.

...avnk