Posted: 01/25/2012 12:28 PM IST

                        విక్టరీ వెంకటేష్ – దర్శకుడు మెహర్ రమేష్ ల కాంబినేషన్ లో సరాకొత్త చిత్రం తెరకెక్కబోతోంది. ఈ సినిమా షూటింగ్ నేటి నుంచి రామానాయుడు స్టూడియోస్ లో జరుగుతోంది. ఈ చిత్రానికి టైటిల్ ‘షాడో’గా భావిస్తున్నారు. ఈ చిత్రం ప్రారంభ కార్యక్రమానికి మూవీ మొగల్ రామానాయుడుతో పాటు వి.వి.వినాయక్, వంశీ పైడిపల్లి తదితరులు హాజరయ్యారు. పూజా కార్యక్రమంపై తీసిన తొలిషాట్ కి వినాయక్ క్లాప్ కొట్టగా, రామానాయుడు కెమెరా స్విచ్చాన్ చేశారు.

ఎన్టీఆర్ తో భారీ ఎత్తున వైజయంతీ మూవీస్ బ్యానర్ పై ‘శక్తి’ సినిమా రూపొందించిన దర్శకుడు మెహర్ రమేష్ ను ఆ చిత్రం బాక్సాఫీస్ వద్ద తీవ్ర నిరాశకు గురిచేసిన సంగతి తెలిసిందే. దీంతో వెంకీతో తీయబోతోన్న ఈ సినిమాను మెహర్ చాలా ప్రతిష్టాత్మకంగా తీసుకున్నట్టు సమాచారం. అన్ని శక్తి యుక్తులు ధారబోసి ఈ సినిమాను బ్లాక్ బస్టర్ గా రూపొందించాలని గట్టి పట్టుదలతో మెహర్ ఉన్నట్టు తెలుస్తోంది.

          ఈ సినిమాలో వెంకటేష్ సరసన రిచా గంగోపాధ్యయ్ నటిస్తుండగా, ఒక ప్రత్యేక పాత్ర లో తాప్సీ నటించే అవకాశం ఉంది. ఎన్నడూ లేనివిధంగా వెంకీ మాఫియా డాన్ గా ఈ మూవీలో కనిపించబోతున్నారు. తమన్ సంగీతం అందిస్తోన్న ఈ చిత్రానికి కోన వెంకట్, గోపీ మోహన్ స్క్రిప్ట్ అందిస్తున్నారు. ప్రరుచూరి ప్రసాద్ నిర్మాత. 

...avnk