Posted: 01/25/2012 11:58 AM IST

          ప్రభుదేవాతో పెళ్లి నేపథ్యంలో యాక్టింగ్ కు గుడ్ బై చెప్పిన నయన తార అనతి కాలంలోనే తన నిర్ణయాన్ని మార్చుకున్నారు. మళ్లీ తెరపై హీరోయిన్ గా కనిపించబోతున్నారు. ఆ మధ్య ‘శ్రీరామరాజ్యం’ చిత్ర షూటింగ్ సమయంలో నయన తార అశ్రునయనాలతో పరిశ్రమకు వీడ్కోలు చెప్పిన సంగతి తెలిసిందే. అయితే ప్రభుదేవా కూడా మనసు మార్చుకుని సినిమాల్లో నటించేందుకు గ్రీన్ సిగ్నల్ ఇచ్చారో ఏమోకాని, మళ్లీ ఈ అందాల తార సినిమా స్క్రీన్ పై కనిపించటం సంతోషదాయంకం.

          ఇదిలా ఉంటే, కింగ్ నాగార్జున తదుపరి సినిమాలో నయనతార హీరోయిన్ గా యాక్ట్ చేయబోతున్నారు. దశరద్ డైరెక్ట్ చయబోతోన్న ఈ మూవీని కామాక్షి మూవీస్ బ్యానర్ మీద శివప్రసాద్ రెడ్డి నిర్మిస్తున్నారు. ఈ ఏడాది మధ్యలో ఈ సినిమా షూటింగ్ మొదలు పెడతారు.

          ఇంతకుముందు నాగ్..దశరద్ కాంబినేషన్లో ‘సంతోషం’ సినిమా వచ్చింది. సమారు పదేళ్ల గ్యాప్ తర్వాత వీరి భాగస్వామ్యంలో మళ్లీ చిత్రం రాబోతుంది. పూర్తి స్థాయి ఫ్యామిలీ ఎంటర్ టైనర్ గా ఈ సినిమా రూపొందిస్తారని సమాచారం.

...avnk