Posted: 01/21/2012 03:29 PM IST

ఈ మధ్య కాలంలో శృతి హాసన్ తెలుగు సినిమాలలో దూకుడుని ప్రదర్శిస్తుందనిపిస్తుంది. ఈ అమ్మడు తెలుగు సినిమా హీరోలతో జత కట్టడానికే ఎక్కువ మొగ్గు చూపుతుంది. సిద్దార్థతో ఇది వరకే రెండు చిత్రాలలో నటించింది. తరువాత ఎన్టీఆర్ తో ఓ చిత్రంలో చేస్తుంది. తాజాగా అల్లు అర్జున్ తో జత కట్టబోతుందని వార్తలు వస్తున్నాయి. 'జోష్' ఫేం వాసువర్మ దర్శకత్వంలో దిల్ రాజు నిర్మించే చిత్రంలో అల్లు అర్జున్ హీరోగా ఓ సినిమా చేస్తున్న సంగతి తెలిసిందే. ఈ సినిమాకి మొదట్లో సమంతాను అనుకున్నారు, కానీ ఆమె డేట్స్ కుదరక పోవడంతో తాజాగా శృతిని ఎంపిక చేశారనీ అంటున్నారు. ఈ చిత్రానికి 'లవర్' అనే టైటిల్ పరిశీలనలో వుంది. దీని కోసం సంగీత దర్శకుడు తమన్ ఇప్పటికే పాటల ట్యూన్స్ సిద్ధం చేశాడట. వచ్చే నెలలో ఈ చిత్రం షూటింగు ప్రారంభించడానికి సన్నాహాలు జరుగుతున్నాయి. ప్రస్తుతం త్రివిక్రమ్ శ్రీనివాస్ దర్శకత్వంలో అల్లు అర్జున్ ‘హనీ’ అనే చిత్రంలో నటిస్తున్నాడు. ఇందులో గోవా బ్యూటీ ఇలియానా నటిస్తుంది.