Posted: 01/06/2012 11:51 AM IST

ప్రిన్స్ మహేష్ బాబు అంటేనే, మన సిని పరిశ్రమలో ఒక క్రేజ్. తన సినిమాలు అంతగా విజయం సాధించినా, సాధించకపోయిన, తన 'దూకుడు' మాత్రం ఆగదు. అయినా, తెలుగు సిని చరిత్రలోనే అత్యధిక వసూళ్లు సాధించిన 'పోకిరి' గా మహేష్ ఎప్పటికీ గుర్తుండిపోతాడు. మరి, కొంత గ్యాప్ తరువాత, ఈ మధ్యనే తన 'దూకుడు' చూబించిన ప్రిన్స్, ఏ మాత్రం విరామం తీసుకోకుండా, మళ్లీ సంక్రాంతికి 'బిసినేస్సమ్యాన్' అంటూ రాబోతున్నాడు. ఇప్పటకే, ఈ సినిమాలోని పాటలు, మాటలు, మహేష్ లుక్, కాజల్ అందాలు, ప్రకటనల రూపం లో కనువిందు చేస్తున్నాయి, సినిమా మీద మరిన్ని అంచనాలు పెంచుతున్నాయి. ఈ సినిమా కి మరొక హైలెట్, పూరి జగన్నాథ్ ఈ సినిమాకి దర్శకత్వం మాటలు అందించడమే. పూరి - మహేష్ అంతే, మరో పోకిరి అంతటి విజయం. ఈ సినిమా ని తెలుగు లోనే కాకుండా, డబ్ చేసి, తమిళం లో కూడా ఒకేసారి విడుదల చేస్తున్నారు. అయితే, అన్ని భాషలలో కలిపి, ఈ సినిమా 150 కోట్లు వసూలు చేస్తుందన్న ధీమా వ్యక్తం చేస్తున్నారు, పూరి జగన్నాథ్...

 

సో, ఈ సినిమా బాగానే 'బిసినెస్స్' చేస్తుందని చెప్పచ్చు. మరి ఇప్పటికే, ఈ సినిమా కోసం, మహేష్ కాజల్ ఒక ఘాటైన చుంబన సన్నివేశంలో పాలుగోన్నారని పుకార్లు షికార్లు చేస్తున్నాయి. అటు పూరి దర్శకత్వ ప్రతిభ, ఇటు కావలసినంత గ్లామర్ తోడయితే, 'మహేష్' అభిమానులకి ఈ సంక్రాంతి పెద్ద పండుగే కదా...