Posted: 01/06/2012 12:21 PM IST

 

        హీరోయిన్ పాత్ర చాలా కీలక మైన `ఊసరవెల్లి` మూవీకి సై చెప్పి తన బ్రాడ్ మైండ్ ని ప్రేక్షకుల ముందుంచిన యంగ్ టైగర్ ఎన్టీఆర్ తదుపరి చిత్రం `దమ్ము`. నిర్మాణ పనులు యుద్ధ ప్రాతిపదికన జరుపుకుంటున్న ఈ చిత్రం షెడ్యూల్ కంటే          ముందుగానే ప్రేక్షకుల ముందుకు రావాలని ఉవ్విళ్లూరుతోంది. ఇందుకు చిత్రయూనిట్ చాలా ఉత్సాహంగా పనిచేయటమే కారణం.

          ప్రస్తుతం భాగ్యనగర పరిసరాల్లో షూటింగ్ జరుపుకుంటున్న `దమ్ము` జనవరి 26 నుంచి పొలాచ్చిలో పాగా వేయనుంది. ఇంతకుముందు అక్కడ వాతావరణం అనుకూలించక యూనిట్ పొలాచ్చి నుంచి వెనుదిరిగిన సంగతి మనకి తెలుసు.

          అపజయమెరుగని బోయపాటి శ్రీను దర్శకత్వంలో రూపుదిద్దుకుంటోన్న `దమ్ము` చిత్రాన్ని అలగ్జాండర్ వల్లభ నిర్మిస్తుండగా,  సుప్రసిద్ధ క్రియేటివ్ కమర్షియల్స్ బ్యానర్ పై కే.ఎస్. రామారావు సమర్పిస్తున్నారు. సంగీతం కీరవాణి.

          యంగ్ టైగర్ తో త్రిష జోడీకడుతోన్న ఈ సినిమా ఫస్ట్ లుక్ సంక్రాంతికి విడుదల చేస్తారు. ఫిబ్రవరి రెండోవారానికి టాకీపార్ట్ పూర్తి చేసి, ఏప్రిల్ కంటే ముందుగానే భారీ ఎత్తున విడుదల చేసేందుకు సన్నాహాలు జరుగుతున్నాయి.    

                                                                                                          -  నారాయణ ఆనాల