Posted: 01/03/2012 03:16 PM IST

టాలీవుడ్ అందాల నటుడు `ప్రిన్స్` మహేష్ బాబు హవా సినిమాల్లోనే కాదు యాడ్స్ లో కూడా కాంతులీనుతుంది. బ్లాక్ బస్టర్ మూవీ `దూకుడు` తర్వాత రాజకుమారుడు మరీ ప్రియమైపోయాడు. పలు రకాల వాణిజ్యసంస్థలు మహేష్ ను తమ బ్రాండ్ అంబాసిడర్ గా పెట్టుకోవాలని ఉవ్విళ్లూరుతున్నాయి. ఈ కోవలో మల్టీనేషనల్ కంపెనీలు కూడా ఉండటం విశేషం. వాణిజ్య ప్రకటనల పరంగా ఈ `పోకిరి` అటు బాలీవుడ్ హీరోలను సైతం తలదన్నేస్తున్నాడు.

తాజాగా ఈ యువహీరో విప్రో సంస్థకు చెందిన సంతూర్ సబ్బులకు ప్రచార కర్తగా ఉండబోతున్నాడు. దీనికి సబంధించిన సంతకాల ప్రక్రియ కూడా జరిగిపోయింది. ఇందుకోసం మహేష్ భారీగానే ఫీజు తీసుకుంటున్నట్లు తెలుస్తోంది. కాగా, సౌతిండియాలో చర్మసౌందర్యపు ఉత్పత్తులలో సంతూర్ కు ప్రత్యేక స్థానం ఉన్న సంగతి తెలిసిందే.

విశేషమేమంటే ఈ యాడ్ నిర్మించే బాధ్యత మహేష్ బాబుతో సూపర్ హిట్ మూవీ `అతడు` తీసిన త్రివిక్రమ్ శ్రీనివాస్ చిత్రీకరించటం.