Posted: 01/03/2012 01:21 PM IST

హ్యాపీడేస్ చిత్రంతో తనకంటూ ఓ ఇమేజ్ ని సొంతం చేసుకున్న హీరో నిఖిల్ మూవీల పరంపర కొనసాగుతోంది. ఈ యువహీరో తాజాగా మరోచిత్రంతో ప్రేక్షకుల ముందుకు రానున్నారు. ఫిబ్రవరిలో రిలీజ్ కాబోతున్న ఈ సినిమాకు `డిస్కో` టైటిల్ ను ఖరారు చేశారు.

`డిస్కో` చిత్రానికి హరి కె చందూరి దర్శకత్వం వహిస్తున్నారు. స్టైల్ ఎంటర్ టైన్మెంట్ పతాకంపై కె. అభినవ్ రెడ్డి ఈ సినిమాని సమర్పిస్తున్నారు.

ఈ చిత్రంలో నిఖిల్ సరసన నటించబోతున్న సారాశర్మ టాలీవుడ్ లో తెరంగేట్రం చేయటం విశేషం. ఇక డైరెక్టర్ హరి కె చందూరి సైతం దర్శకునిగా ఈ చిత్రంతో పగ్గాలు చేపడుతున్నారు. ఇంతకు ముందు హరి ప్రముఖ దర్శకుడు పూరీ జగన్నాథ్ వద్ద పోకిరి, నేనింతే, ఏక్ నిరంజన్, చిత్రాలకు పనిచేశారు.

శరవేగంగా షూటింగ్ జరుపుకుంటోన్న ఈ చిత్రం ప్రస్తుతం చివరి షెడ్యూల్ నిర్మాణం జరుగుతుంది. పోస్ట్ ప్రోడక్షన్ పనుల అనంతరం ఫిబ్రవరిలో ప్రేక్షకుల ముందుకు తెచ్చేందుకు సన్నాహాలు జరుగుతున్నాయి.