Posted: 12/16/2011 05:44 PM IST

బాలీవుడ్ స్టార్ హ్రుతిక్ రోషన్ మంచి నటుడు. ఇతడు నటించిన క్రిష్ సినిమా అందరిని ఆకట్టుకుంది. అందులో ఇతడు చేసిన విన్యాసాలు చాలా అద్దుతంగా ఉంటాయి. అయితే క్రిష్ సినిమాకి సీక్వెల్ గా ‘‘క్రిష్ – 3’’ రూపొందబోతుంది.  ఇందులో ఇతను సూపర్ హీరోగా కనిపించబోతున్నాడు.  ఇందుకోసం ఆయన తన దేహాన్ని కొత్తగా చూపించేందుకు కసరత్తులు చేస్తున్నాడు. ఇదుకొసం ఆయన నెలకు 20 లక్షలు ఖర్చుపెడుతున్నాడు.

బాడీ షేప్ లు మార్చుకోవడానికి నెలకు 20 లక్షలు అవసరం అవుతాయా ? అంటే సినిమా హీరో కదా అవుతాయి. ఈయన అమెరికాకు చెందిన ఓ వ్యాయామ శిక్షకుణ్ని ఎంచుకున్నారు. ఆయనకు ముంబైలో నివాసం ఏర్పాటు చేసి నెలకు 20 లక్షలు చెల్లిస్తున్నాడని బాలీవుడ్ సమాచారం. గత సెప్టెంబర్ లో మిస్టర్ ఒలంపియా పోటీలకు ముంబయి వచ్చిన క్రిష్ గెథిన్ అనే శిక్షకుడితో పరిచయం ఏర్పడింది. ఆ పరిచయంతో అతన్ని తనకు శిక్షణ ఇచ్చేందుకు ఆహ్వానించి ఏర్పాట్లు చేశాడట. ఫిబ్రవరి వరకూ గెథిన్ ఆధ్వర్యంలో ఈయన శిక్షణ తీసుకుంటాడట.