Posted: 12/17/2011 03:39 PM IST

ప్రముఖ నిర్మాత దిల్ రాజు వెంకటేశ్వర క్రియేషన్స్ బ్యానర్ పై నిర్మిస్తున్న చిత్రానికి కొత్త బంగారు లోకం ఫేం శ్రీకాంత్ అడ్డాల దర్శకత్వం వహిస్తున్న విషయం తెలిసిందే. ఈ సినిమా టాలీవుడ్ లో ఇంత వరకు భారీ మల్టీస్టారర్ సినిమా రాలేదు. విక్టరీ వెంకటేష్, సూపర్ స్టార్ మహేష్ బాబు కాంబినేషన్లో ‘సీతమ్మ వాకిట్లో సిరిమల్లె చెట్టు’ అనే మల్టీ స్టారర్ చిత్రానికి గత కొన్ని రోజుల నుండి హీరోయిన్ లు దొరకడం లేదు. ఈ సినిమాలో మహేష్ బాబు సరసన ఇప్పటికే సమంత ఖరారైంది. కానీ వెంకటేష్ సరసన నటించడానికి ఎవరు దొరకలేదు. కానీ ఎట్టకేలకు ఓ భామను ఎంపిక చేశారని తెలుస్తుంది. మొదట వెంకీ సరసన త్రిషను ఎంపిక చేద్దామకున్నప్పటికీ మహేష్ వదిన పాత్ర చేయాల్సి వస్తుందని ఒప్పుకోలేదు. భూమికను బుక్ చేశారని మొన్నటి వరకు వార్తలు. కానీ ఆమె కాల్సీట్లు దొరకలేదు. అనుష్కని ట్రై చేస్తే తమిళంలో బిజీగా ఉండటం వలన నో చెప్పింది. 

అయితే ఎట్టకేలకు వెంకీ భార్య పాత్రలో నటించే హీరోయిన్ దొరికినట్లు తెలుస్తోంది. బెజవాడ చిత్రంలో నాగచైతన్య సరసన నటించిన అమలపాల్ ఈ సినిమాలో వెంకీ భార్య పాత్రకు ఎంపిక చేసినట్లు సమాచారం. అయితే ఈ విషయమై అధికారిక సమాచారం వెలువడాల్సి ఉంది. ప్రస్తుతం మహేష్ బాబు బిజినెస్ మ్యాన్ చిత్రంలో బిజీగా గడుపుతుండగా...వెంకీ తన తాజా సినిమా బాడీగార్డ్ విడుదలపై ఆసక్తిగా ఉన్నాడు. సో.. మొత్తానికి మహష్ కి వదిన... వెంకీకి భార్య దొరికిందన్న మాట.