Posted: 12/06/2011 01:46 PM IST

సిల్క్‌స్మిత జీవిత కథ స్ఫూర్తితో ‘డర్టీపిక్చర్’ రూపొందిన విషయం తెలిసిందే. సిల్క్‌గా విద్యాబాలన్ నటించిన ఈ చిత్రం ఇటీవలే విడుదలై ప్రేక్షకుల ప్రశంసలందుకుంటోంది. దీంతో ఈ తరహా చిత్రాల నిర్మాణం ప్రస్తుతం బాలీవుడ్‌లో ఊపందుకుంది. ఈ కోవలోనే నటి దివ్యభారతి జీవితం వెండితెరకెక్కనుందని బాలీవుడ్ సమాచారం. ఒక దశలో తెలుగు, తమిళ, హిందీ భాషల్లో హాట్ ఫేవరేట్‌గా నిలిచిన దివ్యభారతి మృతి ఇప్పటికీ మిస్టరీగానే మిగిలిపోయింది.

అందమైన సౌందర్య రాశిగా తక్కువ టైమ్‌లోనే ప్రపంచవ్యాప్తంగా ఆభిమానుల హృదయాలను దివ్యభారతి కొల్లగొట్టిన విషయం తెలిసిందే. ఆమె జీవిత కథ ఆధారంగా బాలీవుడ్‌లో ఓ ప్రముఖ నిర్మాత సినిమా నిర్మించడానికి సన్నాహాలు చేస్తున్నాడని తెలుస్తోంది. ఇందులో దివ్యభారతిగా ఓ ప్రముఖ నటి నటించనుందని, ఈ చిత్రానికి సంబంధించిన పూర్తి వివరాలు త్వరలో అధికారికంగా ప్రకటించనున్నారని బాలీవుడ్ సినీ వర్గాల సమాచారం.