Posted: 12/03/2011 02:04 PM IST

మమతా మోహన్‌దాస్ మలయాళంలో నటించిన ‘నిరాకబ్‌ఛా’ చిత్రాన్ని తెలుగులోకి ‘ఇటలీ అబ్బాయి, కేరళ అమ్మాయి’ పేరుతో అనువదిస్తున్నారు నిర్మాత జక్కుల నాగేశ్వరరావు. అనిష్.జె.కరివాడు దర్శకత్వంలో తెరకెక్కిన ఈ చిత్రం విశేషాలను నిర్మాత తెలియజేస్తూ ‘చక్కటి రొమాంటిక్ ప్రేమకథా చిత్రమిది. ప్రముఖ చిత్రకారుడు రవివర్మ పెయింటిగ్‌ను చూసి ప్రేరణ పొందిన ఓ ఇటలీ కుర్రాడు పెయింటింగ్స్ వేసేందుకు ఇండియాకు వస్తాడు. తన పెయింట్స్‌కు మోడల్‌గా ఓ యువతిని ఎంపిక చేసుకుంటాడు. ఆ క్రమంలోనే ఈ ఇద్దరి మధ్య ప్రేమ చిగురిస్తుంది. ఆ తర్వాత కొన్ని కారణాల వల్ల వారిద్దరి మధ్య విభేదాలు వస్తాయి. ఆ తర్వాత జరిగిందేమిటి అనేది ఎంతో ఆసక్తికరంగా వుంటుంది. తెలుగు ప్రేక్షకులకు సరికొత్త అనుభూతినిస్తుంది. డిసెంబర్‌లో ప్రేక్షకుల ముందుకు రానున్న ఈ చిత్రంలో మలయాళం తరహాలోనే ఇక్కడ కూడా ఘనవిజయాన్ని అందుకుంటుందనే నమ్మకం వుంది’ అన్నారు. ఈ చిత్రానికి సంగీతం: జయకుమార్, సమర్పణ: మాస్టర్ ఉదయ్‌తేజ.