Posted: 12/02/2011 04:49 PM IST

మెగాకుటుంబంలో ప‌వ‌న్‌క‌ళ్యాణ్ ఒంట‌రివాడ‌య్యాడ‌ని, ప‌వ‌న్‌కి, చిరంజీవి నాగ‌బాబుల‌తో విభేదాలు వ‌చ్చాయ‌ని పుకార్లు షికార్లు చేసాయి. ఈ పుకార్లు నిజ‌మేన‌న్న‌ట్టు ప‌వ‌న్‌లేటెస్ట్ మూవీ పంజా ఆడియో ఫంక్ష‌న్‌కి మెగా కుటుంబం నుండి ఒక్క‌రు కూడా హాజ‌రుకాక‌పోవ‌టం, ప‌వ‌న్ కూడా త‌న ప్ర‌సంగంలో వార‌స‌త్వం త‌న‌కు వ‌ద్ద‌ని ప్ర‌సంగించ‌డంతో అంద‌రూ నిజ‌మే అనుకున్నారు. అయితే ఆ త‌ర్వాత త‌మ మ‌ధ్య విభేధాలు లేవ‌ని చిరంజీవి, నాగ‌బాబు, అల్లు అర్జున్‌లు వివ‌ర‌ణ ఇచ్చుకోవాల్సి వ‌చ్చింది. అయితే త‌మ మ‌ధ్య ఎలాంటి విభేధాలు లేవ‌ని రామ్‌చ‌ర‌ణ్ తేజ నిశ్చితార్థం వేడుక‌లో ప‌వ‌న్ నిరూపించాడు. తాను కొత్తగా కొనుక్కున్న బెంజ్ కార్‌లో ప‌వ‌నే స్వయంగా డ్రైవ్ చేస్తూ రామ్‌చ‌ర‌ణ్‌తేజ‌ని నిశ్చితార్థం వేదిక‌కి తీసుకువెళ్లి మెగాభిమానుల‌కి ఆనందాన్ని పంచాడు. త‌మ కుటుంబ స‌భ్యుల‌ను ఎవ్వరూ విడ‌దీయ‌లేర‌ని, విభేధాలు ఉంటే అవి ఇంటి బ‌య‌టి వ‌ర‌కే కానీ త‌మ కుటుంబంలోకి రావ‌ని ఈ సంఘ‌ట‌న‌తో ప‌వ‌న్ నిరూపించాడు. ఏది ఏమ‌యిన‌ప్ప‌టికీ గ‌త కొంత‌కాలంగా ప‌వ‌న్ ఒంట‌రి వాడ‌ని మీడియాలో జోరుగా ప్ర‌చారం జ‌రుగుతున్న స‌మ‌యంలో ఇలా ప‌వ‌న్ క‌నిపించి ఈ పుకార్ల‌కి తెర‌దించేసాడు. కాగా రామ్‌చ‌ర‌ణ్‌తేజ నిశ్చితార్థం వేడుక రాజ‌కీయ‌, సినీ ప్ర‌ముఖుల స‌మ‌క్షంలో అంగ‌రంగ వైభ‌వంగా జ‌రిగింది..