Posted: 11/29/2011 12:56 PM IST

వై దిస్ కొల‌వెరి… కొల‌వెరి కొల‌వెరిది..! అంటూ త‌మిళ హీరో ధ‌నుష్ ర‌చించి, స్వంతంగా పాడిన పాట‌ ఇది.. ఈ పాట ఇప్పుడు దేశ‌వ్యాప్తంగా విప‌రీత‌మైన డిమాండ్ సంపాదించుకుంది.. కేర్‌లెస్‌గా.. హ‌స్కీగా.. త‌మిళం, ఇంగ్లీష్ క‌ల‌బోత‌తో సాగే ఈ పాట‌.. ఈ పాట‌కి త‌గ్గట్టుగా స్వర‌ప‌రిచిన సంగీతం అంద‌రికీ విప‌రీతంగా ఆక‌ట్టుకుంటుండ‌డం విశేషం.

ఈ సాంగ్ రికార్డింగ్ విజువ‌ల్స్‌ని యూటూబ్‌లో పెట్టారు.. ఈ యూటూబ్‌ని ఏకంగా 80 ల‌క్షల‌మంది చూశారంటే ఈ పాట ఏరేంజ్‌లో దుమ్ముదులుపుతుందో అర్థమ‌వుతుంది.. ఈ సాంగ్ కి వ‌స్తున్న పాపుల‌ర్‌ని గ్రహించి జాతీయ మీడియా సైతం ఈ సాంగ్‌ని టెలికాస్ట్ చేయ‌డంతో మ‌రింత పాపులారిటీ వ‌చ్చింది.

ఇప్పుడు ఎవ‌రి నోట చూడూ ఈ సాంగే నాట్యమాడుతుందంటే ఈ సాంగ్‌కి వ‌చ్చిన పాపులార‌టి ఎలాంటిదో తెలుస్తోంది.. ధ‌నుష్ హీరోగా ఆయ‌న భార్య, సూప‌ర్‌స్టార్ ర‌జ‌నీకాంత్ కూతురు సౌంద‌ర్య ద‌ర్శక‌త్వంలో రూపొందుతు 3 చిత్రం కోసం ఈ సాంగ్‌ని కంపోజ్ చేశారు.. ఈ చిత్రంలోని అన్ని సాంగ్స్‌ని హీరో ధ‌నుషే రాయ‌డం మ‌రో విశేషం

కాగా.. వైదిస్ కొల‌వ‌రి సాంగ్‌ని వ్రాయ‌డ‌మే కాకుండా తానే పాడి ఇంత క్రేజ్‌ని సంపాదించ‌డం మ‌రో విశేషం.. అయితే… ఈ సాంగ్‌కి ఇంత‌టి ప్రజాద‌ర‌ణ వ‌స్తుంది.. అస్సలు ఊహించ‌లేద‌ని ధ‌నుష్ అంటున్నాడు.. ఏదో స‌ర‌దాగా హ‌మ్ చేసిన ఈ సాంగ్‌కి ఇంత‌టి క్రేజ్ ఏర్పడ‌టం ఒక విధంగా ఆనందంగానే ఉన్నప్పటికీ ఇంత సూప‌ర్‌హిట్ అవుతుంద‌ని అస్సటు ఊహించ‌లేద‌ని అంటున్నాడు ధ‌నుష్‌.