Posted: 11/18/2011 05:35 PM IST

     సెల్ ఫోన్ పోయినందుకు కాదు, అందులో పోగొట్టుకున్న ఫోన్ నంబర్లు, ఇతర డేటా గురించి బాధపడే రోజులు వచ్చాయి.  అలాగే 2 లక్షల ఖరీదు చేసే కెమేరా పోయినందుకు కాదు కానీ, "డిపార్ట్ మెంట్" చిత్ర నిర్మాణంలో వాడిన కెమేరా పోయినందుకు రామ్ గోపాల్ వర్మ బాధపడటానికి కారణం అందులో ఉండిపోయిన ఫిల్మ్ లో సంజయ్ దత్ తో తీసిన కొన్ని ముఖ్యమైన ఘట్టాలు.  మళ్ళీ చిత్రీకరిద్దామన్నా సంజయ్ దత్ డేట్లు లభించొద్దూ.  అయినా ప్రతిసారీ ఒకేలా రాదు.  కొంత రాజీ పడాల్సి వస్తుంది.  ఇవన్నీ ఆలోచిస్తుంటే చిరాకు వేస్తోంది వర్మకి.  ఆ దొంగ ఆచూకీ ఎలాగైనా కనిపెట్టాలని చూస్తున్న వర్మ, షెర్లాక్ హోమ్స్ శైలిలో, ఇదెవరో సినిమాకి పనిచేసేవారే చేసుంటారని అన్నారట.  దొంగిలించింది వస్తువు కాదు ఎంతోమంది శ్రమని!