భారతీయ విఫణిలోకి లెనోవా కే8 ప్లస్‌.. ధరెంతో తలుసా.?

Posted: 09/06/2017 01:22 PM IST

చైనాకు చెందిన ప్రముఖ ఎలక్ట్రానిక్స్ సంస్థ లెనొవా.. ఇటీవలే మొబైల్ రంగంలో అడుగుపెట్టి ప్రపంచ వ్యాప్తంగా అనేక మందిని తమ ఖాతాదారులుగా మార్చుకుంటుంది. ఈ క్రమంలో మోటరోలా కంపెనీని కూడా తనలో మిలితం చేసుకున్న అమ్మకాల్లో తన సత్తాను చాటుకుంటూ దూసుకెళ్తుంది. తాజాగా లెనోవా మరో సరికొత్త స్మార్ట్ ఫోన్ మోడల్ ను లాంచ్ చేసింది. కె 8 ప్లస్‌ పేరుతో భారతీయ విఫణిలో అవిష్కరించిన ఈ స్మార్ట్ ఫోన్ కూడా ఇ-కామర్స్ సైట్‌ ఫ్లిప్ కార్ట్ లో ప్రత్యేకంగా లభించనుంది.

లెనోవా వివరాలతో పాటు ఇవాళ భారతీయ విఫణిలో అవిష్కరిస్తున్నట్లు ప్రకటించిన లెనోవా ఇండియా ఈ మేరకు వివరాలను సామాజిక మాద్యమం ట్విట్టర్ ద్వారా వివరాలను తెలిపింది. నూతన అవిష్కరణగా వస్తున్న లెనోవా కే8 ప్లస్ ధరను రూ.10,999గా కంపెనీ ప్రకటించింది. ఈ విక్రయాలు రేపటి (గురువారం) నుంచి ప్రారంభం కానున్నాయని లెనోవా ప్రకటించింది. కొన్ని వారాలలో  ఇది ఇతర దుకాణాల్లో కూడా అందుబాటులో ఉంటుందని తెలిపింది.

ఈ సందర్భంగా  లాంచింగ్‌ ఆఫర‍్లను కూడా కంపెనీ ప్రకటించింది.  రూ.10వేల దాకా ఎక్సేంజ్‌ ఆఫర్‌,  జియో ఖాతాదారులకు 30జీబీ అదనపుడేటా,  మోటోప్లస్‌ 2 హెడ్‌ ఫోన్స్‌ రూ. 599లకే  అందిస్తోంది.  ఇంకా ఫ్లిప్‌కార్ట్‌ స్మార్ట్‌ బై ద్వారా 5 వా.  బ్లూటూత్‌ స్పీకర్‌పై రూ.100 తగ్గింపు, ఫ్యాషన్‌, లైఫ్‌స్టైల్‌ ఉత్పత్తులపై 15శాతం తగ్గింపును ప్రకటించి. సెప్టెంబర్‌ 7-8 తేదీల మధ‍్య ఈ ఆఫర్లు వర్తిస్తాయి.


లెనోవో కె8 ప్లస్ స్పెషిఫికేషన్లు:-

5.2 అంగుళాల హెచ్‌డీ డిస్‌ప్లే
మీడియా టెక్ డాక్ హెలియో పీ25 ఆక్టా కోర్ 2.6  ప్రాసెసర్
ఆండ్రాయిడ్‌ 7.1.1
3జీబీ ర్యామ్‌,
32 జీబీ ఇంటర్నల్‌ స్టోరేజ్‌
128 జీబీ వరకు విస్తరించుకునే అవకాశం
13ఎంపీ+ 5ఎంపీ డ్యుయల్‌ రియర్‌ కెమెరాలు
8 ఎంపీ సెల్ఫీ  కెమెరా
4000 ఎంఏహెచ్‌ బ్యాటరీ