వరుసగా నాలుగోరోజు నష్టాల్లో స్టాక్ మార్కెట్లు

Posted: 07/28/2015 06:22 PM IST

విదేశాల నుంచి వచ్చిన ప్రతికూల వాతావరణ పవనాలతో వరుసగా నాల్గవ రోజు దేశీయ స్టాక్ మార్కెట్లు నష్టాలతో ముగిసాయి. అసియా మార్కెట్లతో పాటు యూరోపియన్ మార్కెట్ల నుంచి వచ్చిన సానుకూలా పవనాలను అమెరికా ఫెడ్ రిజర్వు కమిటీ సమావేశం హరించింది. ఇవాళ నుంచి రెండు రోజుల పాటు ఫెడరల్ రిజర్వు విధానంపై చర్చించి నిర్ణయం తీసుకోనున్న తరుణంలో మార్కెట్లు నష్టాల బాటలో పయనించాయి. దీనికి తోడు ఆర్థిక సంక్షోభంతో కూరుకుపోతున్న చైనా ఉత్పాతాల ప్రభావం కూడా స్టాక్ మార్కెట్లుపై పడటంతో వరుసగా నాల్గవ రోజు నష్టాలను మూటగట్టుకున్నాయి. నిన్న అత్యంత భారీస్థాయిలో నష్టానికి కుదేలయిన మార్కెట్లు ఇవాళ కూడా అదే బాటలో నడిచాయి. ఇవాళ ఉదయం ఆరంభంలో మార్కెట్లను లాభాలు పలకరించాయి. ఆ తరువాత స్వల్ప ఒడిదోడుకులను ఎదుర్కోంటూ.. క్రమంగా మధ్యాహ్నానికి లాభాలను హరించుకుపోయాయి. దీంతో మార్కెట్లు నష్టాలను చవిచూడాల్సి వచ్చింది. మధ్యాహ్నం తరువాత మర్కట్ స్టాల్స్ లో అమ్మకాల ఒత్తిడి పెరిగింది.

ఉదయం 30 పాయింట్ల లాభంతో ప్రారంభమైన సెన్సెక్స్ సాయంత్రానికి ఒడిదొడుకులను ఎదుర్కోని 102 పాయింట్ల నష్టంతో 27 వేల 459 పాయింట్ల వద్ద ముగియగా, నిప్టీ కూడా 24 పాయింట్ల నష్టంతో 8337 పాయింట్ల వద్ద ముగిసింది. ఈ క్రమంలో హెల్త్ కేర్, అటో, మెటల్స్, అత్యంత విస్తరమైన మధ్య తరహా పరిశ్రామిక రంగ సూచీలు భారీ నష్టాలలో పయనించగా, కన్జూమర్ డూర్యబుల్స్, ఎఫ్ ఎం జీ సీ, అయిల్ అండ్ గ్య ాస్, పబ్లిక్ సెక్టార్ యూనిట్స్, టెక్నాలజీ, చిన్న తరహా, పరిశ్రమలకు చెందిన సూచీలు కూడా నష్టానలు ఎదుర్కోన్నాయి. క్యాపిటల్ గూడ్స్, బ్యాంకింగ్ రంగానికి చెందిన సూచీలు భారీ లాభాలను ఆర్జించాయి. ఈ తరుణంలో పంజాబ్ నేషనల్ బ్యాంక్, బిహెచ్ఇఎల్, ఎన్టిపీసీ, కోటక్ మహీంద్రా, యస్ బ్యాంకు సంస్థల షేర్లు లాభాలను గడించగా, ఎన్ఎండీసీ, హీరో మోటోకార్ఫ్, డాక్టర్ రెడ్డీస్ ల్యాబ్స్, హెచ్ డి ఎఫ్ సీ, ఏషియన్ పెయింట్స్ తదితర సంస్థల షేర్లు నష్టాలను మూటగట్టుకున్నాయి

జి.మనోహర్