వారాంతంలో సెన్సెక్స్ కు 280 పాయింట్ల లాభం

Posted: 07/03/2015 06:31 PM IST

దేశీయ స్టాక్ మార్కట్లు ఇవాళ లాభాలతో ముగిసాయి.  జూలై 3తొ ముగిసిన వారాంతానికి, అంతకుముందు వారం ముగింపుతో పోల్చగా సెన్సెక్స్ 280 పాయింట్ల లాభాన్ని ఆర్జించింది. ఆదివారం గ్రీకు దేశం తమ ఆర్థిక సంక్షోభంపై రెఫరండం ప్రకటించనున్న తరుణంలో దేశీయ మార్కెట్లు లాభాలను గడించాయి. కాగా నేటితో ముగిసిన వారంతం సెన్సెక్స్, నిప్టీలకు ఒక్క శాతం మేర లాభాలను గడించాయి. కాగా ఇవాళ కూడా స్టాక్ మార్కట్లుకు లాభాలను ఆర్జించాయి. ఉదయం ప్రారంభంలో 150 పాయింట్ల లాభంతో ప్రారంభమైన సెన్సెక్స్ మార్కెట్ ముగిసే సమయానికి అదే ఒరవడిని కొనసాగిస్తూ.. 147 పాయింట్ల లాభాలను ఆర్జించింది. దీంతో సెన్సెక్ 28 వేల మార్కును చేరింది. అటు, నిష్టీ కూడా 40 పాయింట్ల లాభంతో 8485 పాయింట్ల వద్ద ముగిసింది.

లోహానికి సంబంధించిన సూచీలతో పాు ఆటో, ఆయిల్ అండ్ గ్యాస్, మధ్య తరహా పరిశ్రమలు నష్టాలలో పయనించాయి. కాగా బ్యాకింగ్, క్యాపిటల్ గూడ్స్, హెల్త్ కేర్, ఎఫ్ ఎం జీ సీ  ఐటీ, కన్జూమర్ డ్యూరబుల్స్, టెక్నాలజీ, పబ్లిక్ సెక్టార్ యూనిట్స్ తదితర సూచీలు లాభాలను ఆర్జించాయి. ఈ క్రమంలో ఇండస్ ఇండ్ బ్యాంక్, హెచ్ డీ ఎఫ్ సీ, హీరో మోటో కార్ప్, లుపిన్, హెచ్ డి ఎఫ్ సీ బ్యాంక్, తదితర సంస్థల షేర్లు లాభాల భాటలో పయనించగా, వేదంతా, టెక్ మహీంద్రా, కెయిర్న్ ఇండియా, కోల్ ఇండియా, విప్రో తదితర సంస్థల షేర్లు నష్టాలను మూటగట్టకున్నాయి.

జి.మనోహర్