ఐదు వారాల గరిష్టస్థాయికి చేరిన దేశీయ స్టాక్ మార్కెట్లు.

Posted: 05/22/2015 06:49 PM IST

గత వారంలో పతనాలతో నెల రోజుల కనిష్టస్థాయికి చేరిన దేశీయ స్టాక్ మార్కెట్లు ఈ వారాంతంలో లాభాలతో ముగిసాయి. ఇవాళ లాభాలతో పయనించిన స్టాక్ మార్కెట్లు ఐదు వారాల గరిష్టస్థాయికి చేరుకున్నాయి. అయితే ఆరంభంలో సాధించిన లాభాలతో 28 వేల మార్కును తాకిన సెన్సెక్స్ ఆ తరువాత ఒడిదోడుల మధ్య అంతకు కొంత దిగువగానే ట్రేడింగ్ ముగించింది. విదేశీ మదుపురులు భారత్ స్టాక్ మార్కెట్ లలో పెట్టుబడులను పెట్టడంతోనే మార్కెట్లు లాభాల బాటలో పయనించాయిన మార్కెట్ విశ్లేషకులు అభిప్రాయపడుతున్నారు. అయితే వారు కేవలం సెంటిమెంట్ పునాదులపై పెట్టుబడులు పెట్టారని, అయితే దేశ ఆర్థిక పురగోతి, కార్పోరేట్ సంస్థల వాణిజ్య ప్రగతి అంశాలపై వారికి సందేహాలు మాత్రం కోనసాగుతునే వున్నాయని చెప్పారు. కాగా, ఇవాళ ఉదయం మార్కెట్ ప్రారంభం నుంచే దేశీయ సూచీలు లాభాల బాటలో పయనించాయి. సెన్సెక్స్ 200 పాయింట్ల వరకు లాభాలను ఆర్జించినా.. ఒడిదోడుకుల మద్య వాటిని నిలబెట్టుకోలేక 148 పాయింట్ల లాభాన్ని ఆర్జించింది.

ఈ క్రమంలో మార్కెట్లు ముగిసే సమయానికి సెన్సెక్ 148 పాయింట్లు లాభంతో 27 వేల 958 పాయింట్ల వద్ద ట్రేడింగ్ ముగించగా, అటు నిఫ్టీ 38 పాయింట్ల లాభంతో 8 వేల 459 పాయింట్ల వద్ద స్థిరపడింది. అటో, క్యాపిటల్ గూడ్స్, ఎఫ్ఎంజీసీ, హెల్త్ కేర్, ఐటీ, ఆయిల్ అండ్ గ్యాస్, పబ్లిక్ సెక్టార్ సంస్థలు, మధ్య తరహా, చిన్న తరహా పరిశ్రమల సూచీలు లాభాలతో పయనించడంతో మార్కెట్ల లాభాలను ఆర్జించాయి మెటల్స్, బిఎస్ఈ బ్యాకెక్స్, కన్జూమర్ గూడ్స్ సూచీలు నష్టాలలో పయనించాయి. ఈ క్రమంలో హెచ్.డి.ఎఫ్.సి, టీసీఎస్, సన్ ఫార్మ, టెక్ మహీంద్ర, లుపిన్ తదితర సంస్థల షేర్లు లాభాలలో పయనించగా, అల్ట్రా టెక్ సిమెంట్, ఎస్ బి ఐ, ఐడియా సెల్యూలార్, హిండాల్కో, వెదాంత, తదితర సంస్థల షేర్లు అత్యధిక నష్టాలను చవిచూశాయి.

జి మనోహర్