Posted: 09/12/2012 09:46 PM IST

దక్కన్ క్రానికల్స్ హోల్డింగ్స్ (డిసిహెచ్ఎల్) అప్పుల వ్యవహారం కేంద్ర ప్రభుత్వాన్ని కూడా వణికిస్తోంది. డిసిహెచ్ఎల్ అప్పుల మొత్తం 5,000 కోట్ల రూపాయలకు పైగా ఉన్నట్లు తేలడంతో ప్రభుత్వం రంగంలోకి దిగింది. దక్కన్ క్రానికల్ హోల్డింగ్స్ పద్దుల్లో అవకతవకలు, అక్రమాలు ఏమైనా జరిగాయా నిర్ధారించేందుకు ప్రభుత్వం పురమాయింపుపై కెనరా బ్యాంక్ ఫోరెన్సిక్ ఆడిట్ నిర్వహిస్తోంది. అప్పులిచ్చిన బ్యాంకర్ల కన్సార్షియంకు కెనరా బ్యాంక్ లీడ్ బ్యాంకర్‌గా వ్యవహరిస్తోంది.పద్దుల్లో ఏదైనా గోల్‌మాల్ జరిగిందా అన్న విషయం కెనరా బ్యాంక్ ఆడిట్‌లో బయటపడుతుందని ఆర్థిక వ్యవహారాల శాఖ కార్యదర్శి డికె మిట్టల్ చెప్పారు. దక్కన్ క్రానికల్ రుణాలకు సంబంధించి బ్యాంకింగ్ రంగం స్థూల వైఫల్యం ఏమైనా ఉందా అనే విషయాన్ని కూడా ప్రభుత్వం పరిశీలిస్తున్నట్లుగా ఆయన చెప్పారు.