ఫెయిర్ అండ్ గ్లోయింగ్ స్కిన్ పొందాలంటే..

Posted: 07/10/2015 01:11 PM IST

మహిళలకు ప్రధాన ఆకర్షణ అయిన చర్మసౌందర్యాన్ని తక్షణమే పొందాలంటే కొన్ని చిట్కాలు అందుబాటులో వున్నాయి. ప్రస్తుత బిజీ ప్రపంచంలో మహిళలకు తమ అందం విషయమై వెచ్చించే సమయం అంతగా దొరకట్లేదు. ఇళ్లు, ఆఫీసు కార్యకలాపాల్లోనే రోజంతా గడిచిపోతుండటంతో చర్మసౌందర్యాన్ని మెరుగుపర్చుకోలేక అవస్థలు పడుతుంటారు. అటువంటి వారు తక్షణమే అందం చేసుకోవడానికి బ్యూటీషియన్లు కొన్ని రెమెడీలను ప్రవేశపెట్టారు. అవేమిటో తెలుసుకుందామా..

* మిల్క్ పౌడర్ : ప్రతి రోజూ ఉదయం చల్లటి పాలతో ముఖాన్ని శుభ్రం చేయాలి. మొదటగా ముఖం మీద పాలు చిలకరించి, చేత్తో సున్నితంగా మసాజ్ చేయాలి. కాసేపు తర్వాత గోరువెచ్చని నీరుతో శుభ్రం చేసుకోవాలి. ఇలా రెండువారాలపాటు రెగ్యులర్ గా చేస్తే.. ముఖంలో మంచి గ్లో వస్తుంది.

* శెనగపిండి-రోజ్ వాటర్ : ఒక పాత్రలో కొద్దిగా శెనగపిండి వేసి అందులో రోజ్ వాటర్ పోసి బాగా కలియబెట్టాలి. ఈ మిశ్రమాన్ని పేస్టులా తయారుచేసుకుని.. ముఖంపై పూతలా రాసుకోవాలి. కాసేపు తర్వాత శుభ్రం చేసుకోవాలి. ఇలా 4 వారాలపాటు చేస్తే.. మంచి ఫలితం కనిపిస్తుందని నిపుణుల సూచన.

* బాదం పేస్ట్ : బాదంలో విటమిన్ ఇ పుష్కలంగా వుంటుంది. ఇది ముఖాన్ని కాంతివంతంగా మార్చడంలో సమర్థవంతంగా పనిచేస్తుంది. ఈ బాదంను పేస్టులా చేసుకుని ముఖానికి పట్టించి, కాసేపు తర్వాత శుభ్రం చేసుకోవాలి. ఈ రెమెడీతో మచ్చలు, మెటిమలు కూడా మటుమాయమవుతాయి.

* పెరుగు-నిమ్మరసం : పెరుగులో ఆసిడ్స్, నిమ్మలో సిట్రిక్ ఆసిడ్స్ పుష్కలంగా ఉన్నాయి. చర్మసౌందర్యాన్ని మెరుగుపరిచే ఆ పోషకాల పదార్థాల మిశ్రమాన్ని ముఖానికి, మెడకు రాసుకుంటే.. మంచి ఫలితం వుంటుంది. నల్లని మచ్చలు పూర్తిగా తొలిగిపోయి, ముఖం కాంతివంతంగా తయారవుతుంది.

* టమోటో గుజ్జు : టమోటోలో లైకోపిన్ అనే పోషకం వుంటుంది. ఇది ‘సన్ టాన్’ను నివారించడంలో గ్రేట్ గా సహాయపడుతుంది. కొన్ని టమోటాలను తీసుకుని, వాటిని బాగా నూరి గుజ్జులా చేసుకోవాలి. ఈ గుజ్జును రెగ్యులర్ ముఖానికి అప్లై చేసుకోవాలి. ఇలా చేస్తే.. ఫెయిర్ అండ్ గ్లోయింగ్ స్కిన్ మీ సొంతం.