చర్మం తాజాగా వుండాలంటే...

Posted: 02/14/2015 05:53 PM IST

ఉదయం లేచిన క్షణం నుంచి రాత్రి నిద్రపోయేంతవరకు ప్రతిఒక్కరు ఆఫీసు, గృహ కార్యకలాపాలు నిర్వహించుకోవడం నిమగ్నమైపోతారు. ఫలితంగా ఎంతో అలసట వచ్చేస్తుంది. ఈ నేపథ్యంలోనే చర్మం కూడా డల్ గా తయారవుతుంది. తద్వారా చర్మసౌందర్యం క్షీణిస్తుంది. అలాకాకుండా వుండాలంటే చర్మాన్ని నిత్యం తాజాగా వుంచుకోవాలి. అంటే.. ప్రతిసారీ ముఖాన్ని నీటితో శుభ్రం చేసుకోవడం కాదు! పోషక విలువలున్న పదార్థాలతో రెమెడీ చేసుకుని ముఖానికి పట్టిస్తే.. డల్ గా వుండే చర్మం ఒక్కసారిగా తాజాగా తయారవుతుంది. మరి.. ఆ రెమెడీస్ ఏంటో తెలుసుకుందామా...

1. ఒక గిన్నెలో రెండు చెంచాల గంధం పొడి, ఒక చెంచా పసుపు, మూడు చెంచాల తేనె వేసి కలుపుకోవాలి. ఈ మిశ్రమాన్ని ముఖానికి పూతలా వేసుకోవాలి. 20 నిముషాల తర్వాత చల్లనీటితో శుభ్రంగా కడిగేసుకోవాలి. ఇలా చేస్తే చర్మసౌందర్యం మెరుగుపడుతుంది.

2. ఒక పాత్ర తీసుకుని అందులో మూడుచెంచాల గంధం పొడి, రెండు చెంచాల గులాబీ నీళ్లు వేసి కలుపుకోవాలి. ఈ మిశ్రమాన్ని ముఖానికి రాసుకోవాలి. పావుగంట తర్వాత తడిపి, మర్దన చేసుకోవాలి. అనంతరం కాసేపయ్యాక నీటితో శుభ్రం చేసుకోవాలి. ఇలా చేస్తే.. మురికి తొలగిపోతుంది.

3. ఒక గిన్నె తీసుకుని అందులో అరకప్పు పుల్లటి పెరుగు, నాలుగు చెంచాల నిమ్మరసం వేసి మిక్స్ చేయాలి. దీనిని ముఖానికి రాసుకోవాలి. పదినిముషాల తర్వాత గోరువెచ్చని నీళ్లతో కడిగేసుకోవాలి. ఇలా ప్రతిరోజూ చేస్తే.. ముఖం మృదువుగా, చాలా సాఫ్ట్ గా మారుతుంది.

4. బంగాళాదుంపల్ని కాసేపు నానబెట్టి.. మెత్తగా గుజ్జు చేయాలి. తర్వాత ఫ్రిజ్ లో వుంచి పావు గంటసేపయ్యాక తీసి ముఖానికి మాస్క్ లా వేసుకోవాలి. అది పొడిగా మారిన తర్వాత శుభ్రపరుచుకోవాలి. ఇలా చేస్తే.. ముఖంపై మొటిమలు, నల్లని మచ్చలు తొలగిపోతాయి.