వాల్ నట్స్ తో వృద్ధాప్య ఛాయలు దూరం...

Posted: 02/13/2015 05:27 PM IST

ప్రస్తుతం వేగంగా మారుతున్న వాతవరణ పరిస్థితులు చర్మసౌందర్యంపై ఎక్కువగా ప్రభావం చూపుతున్నాయి. ఎన్ని సౌందర్యసాధనాలు ఉపయోగించినప్పటికీ చర్మం పొడిబారిపోయినట్లుగానూ, ముడతలుగా మారుతుంటుంది. అలాగే దుమ్ము, ధూళి, వాతావరణ కాలుష్యం అంతా చర్మరంధ్రాల్లో చేరిపోవడం వల్ల స్కిన్ ఇన్ఫెక్షన్స్ వస్తాయి. ఫలితంగా ఎంతో అందంగా కనిపించే ముఖం ఒక్కసారిగా అందవిహీనంగా మారిపోతుంది. తద్వారా తక్కువ వయస్సులోనే వృద్ధాప్య ఛాయలు వచ్చేస్తాయి.

ఇటువంటి సమస్యలు తలెత్తినప్పుడు కొన్ని బ్యూటీ ప్రొడక్ట్స్’తో వాటిని నయం చేయవచ్చు కానీ.. వాటిని నిత్యం వాడుతూనే వుండాలి. పైగా.. చర్మం సహజత్వాన్ని కోల్పోతుంది. అలాకాకుండా చర్మం మృదువుగా, సాఫ్ట్’గా, వృద్ధాప్య ఛాయలు రాకుండా నిత్యం యవ్వనంగా కనిపించేలా వుండాలంటే అందుకు కొన్ని ప్రకృతిలో లభించే సహసిద్ధమైన పదార్థాలు ఎంతగానో తోడ్పడుతాయి. అటువంటివాటిలో వాల్ నట్స్ కూడా ఒకటి! వీటిలో సౌందర్యానికి సంబంధించి ఎన్నోరకాల పోషకాలు నిల్వవుంటాయి. వీటి ద్వారా రెమెడీస్ చేసుకుని ముఖానికి అప్లై చేయొచ్చు లేదా.. రోజువారి డైట్ లో వేసుకుని తినొచ్చు.

వాల్ నట్స్ లో యాంటీ ఆక్సిడెంట్లు పుష్కలంగా వుంటాయి కాబట్టి.. అవి చర్మాన్ని ముడతలు పడకుండా చేస్తాయి. ఈ యాంటీ ఆక్సిడెంట్స్ చర్మంలో కొలాజెన్ ఉత్పత్తిని పెంచుతుంది. అలాగే సెల్ డ్యామేజ్ ని రిపేర్ చేస్తుంది. స్కిన్ టోన్ మెరుగుపరిచి, వృద్ధాప్య ఛాయలు కనబడనివ్వకుండా నిత్యం యవ్వనంలా చర్మం ప్రకాశించేలా చేస్తుంది. పైగా ఈ వాల్ నట్స్ పై పరిశోధనలు జరిపిన కొందరు నిపుణులు సైతం.. ఇది సౌందర్యాన్ని మెరుగుపరుస్తుందని స్పష్టం చేస్తున్నారు. దీన్ని రెగ్యులర్ డైట్ లో చేర్చుకుంటే.. వృద్ధాప్య ఛాయలు తొలగి ప్రకాశవంతమైన చర్మ సౌందర్యాన్ని పొందవచ్చునని వారంటున్నారు.