చర్మానికి వన్నెతెచ్చే వెజిటేబుల్ జ్యూస్

Posted: 11/05/2014 06:14 PM IST

ప్రస్తుతకాలంలో చర్మసౌందర్యానికి సంబంధించిన సమస్యలు విపరీతంగా పెరిగిపోయాయి. మారుతున్న కాలక్రమంలో వాతావరణ కాలుష్యశాతం ఎక్కువగా పెరిగిపోవడంతోపాటు ఆహారాల్లో పోషక విలువలు తగ్గిపోతున్నాయి. తద్వారా మానవ శరీరం, సౌందర్యం దెబ్బతింటోంది. అయితే ప్రకృతిలో లభించే కొన్ని పదార్థాల ద్వారా ఇటువంటి సమస్యలను ఎదుర్కోవచ్చు. ముఖ్యంగా చర్మసౌందర్యాన్ని మరింత కాంతివంతంగా, అందంగా మలుచుకోవచ్చు. సాధారణంగా వెజిటేబుల్స్ లో మానవ శరీరానికి కావలసిన ఔషధాలతోపాటు చర్మసౌందర్యానికి కావలసిన పోషక విలువలు ఎక్కువ మోతాదులో వుంటాయి. వాటిని నిత్యం తీసుకుంటూ వుంటే చర్మసౌందర్యం ఎంతగానో మెరుగుపడుతుంది. అయితే వాటిని నేరుగా కాకుండా జ్యూస్ ల రూపంలో తీసుకుంటే ఎంతో శ్రేయస్కరం. మరి ఆ వెజిటేబుల్స్ ఏంటో ఒకసారి తెలుసుకుందాం...

1. క్యారెట్ జ్యూస్ : క్యారెట్ జ్యూలస్ లో విటమిన్ ఎ పుష్కలంగా ఉంటుంది. అలాగే ఫైబర్ అధికంగా ఉండే బౌల్ మూమెంట్ ను మెరుగుపరిచి, పొట్టను ఎప్పటికప్పుడు శుభ్రపరుస్తుంది. అలాగే ముఖ్యంగా చర్మాన్ని ప్రకాశవంతంగా మార్చడంతోపాటు వృద్ధాప్య ఛాయలను నిర్మూలిస్తుంది.

2. టమోటో జ్యూస్ : టమోటో జ్యూస్ మన శరీరానికి చాలా గ్రేట్ అని చెప్పవచ్చు. ఎందుకంటే ఇందులో కొలెస్ట్రాల్ ను వేరు చేసే ‘‘పొటాషియం’’ మూలకం అధికంగా ఉంటుంది. అలాగే ‘‘లైకోపిన్’’ అనే లక్షణాలు కూడా అత్యధికంగా ఉంటాయి. ఇవి యాంటీక్యాన్సేరియస్ లక్షణాలను నివారిస్తుంది. చర్మసౌందర్యానికి ఉపయోగపడే విటమిన్ సి కూడా పుష్కలంగా వుంటుంది.

3. బేబీకార్న్ జ్యూస్: ఫ్లూయిడ్ డైట్ ను ఎక్కువగా ఇష్టపడే వారికి ఒది ఒక హెల్తీ డైట్ అని చెప్పవచ్చు. ఎందుకంటే... ఇది అధిక క్యాలోరిక్ వాల్యు కలిగి ఉంటుంది. జీర్ణక్రియను మెరుగుపరచడంలో చాలా ఉపయోగకరమైనది. ఇందులో విటమిన్ ఎ, సి పుష్కలంగా ఉండటం వల్ల చర్మం ప్రకాశవంతంగా మార్చడంలో అద్భుతంగా ఉపయోగపడుతుంది.

4. పచ్చిబఠానీ జ్యూస్ : పచ్చిబఠానీల్లో విటమిన్ బి6, కె పుష్కలంగా ఉన్నాయి. ఇందులో ఫోలిక్ యాసిడ్ ఉండటం వల్ల దీనిని శరీరానికి అత్యవసరమైన ఆహారంగా భావిస్తారు. పచ్చిబఠానీలతో తయారుచేసే జ్యూస్ లో యాంటీ ఆక్సిడెంట్స్ యాంటీ ఇన్ఫ్లమేటరీ లక్షణాలు పుష్కలంగా ఉంటాయి. ఇవి చర్మాన్ని గ్లోయింగ్ గా మరియు రేడియంట్ గా మార్చడంలో ఎఫెక్టివ్ గా పనిచేస్తాయి.

5. ఆకుకూరల రసాలు : ఆకుకూరలతో తయారుచేసే రసాల్లో విటమిన్ కె పుష్కలంగా వుంటుంది. ఇది బోన్ హెల్త్ కు అద్భుతంగా ఉపయోగపడుతుంది. అలాగే ఐరన్ కూడా పుష్కలంగా ఉండటం వల్ల ఇది చర్మసౌందర్యం పెంపొందించడంలో ఒక ఐడియల్ ఫుడ్ గా భావిస్తారు. ఇది శరీరంలో రెడ్ బ్లడ్ సెల్స్ ను పెంచుతుంది. అదేవిధంగా విటమిన్ సి-ఈ, మినిరల్స్ ,మెగ్నీసియం గొప్ప యాంటీఆక్సిడెంట్స్ గా పనిచేసి... చర్మానికి హానికలిగిందే ఫ్రీరాడికల్స్ నుండి దూరంగా ఉంచుతాయి.

6. బ్రొకోలీ జ్యూస్ : ఇందులో ఫైబర్, విటమిన్ సి పుష్కలంగా వుంటాయి. ఇవి హెల్తీ స్కిన్ కోసం చాలా అవసరం. ఇందులో కొలెస్ట్రాల్ తక్కువ ,న్యూట్రీషియన్స్ ఎక్కువ కాబట్టి.. చర్మానికి ,శరీరానికి చాలా ఉపయోగకరమైనది.