ఆది నుండి నట 'విశ్వరూపం

Posted: 05/17/2013 03:13 PM IST

అంతులేని సినీ పరిశ్రమకి , తిరుగులేని కధానాయకుడు , అందమైన తెలుగు సినీ పరిశ్రమలో విలక్షణ నటుడు . గత 30 సంవత్సరాల నుండి , నిర్విరామంగా నటుడిగా కొనసాగుతున్నాడు . ఎవ్వరు సాహసించని పాత్రలు పోషించడం , విన్నొత్నమైన కధలను ఎంచుకుని , భారీ బడ్జెట్ అయినా వెనుకాడకుండా , సినిమాలు చెయ్యడం , అవసరం అయితే తానె నిర్మాతగా మారి సినిమాలు రూపొందించడం , సినిమాను దైవం గా భావిస్తాడు ఈ నటుడు , సినిమానే నమ్ముతాడు , అనే దానికి నిదర్సనం . 'విశ్వరూపం' ఎన్నో వివాదాలను ఎడురుకొని , విడుదల అయ్యి , ఒక్క వారం లోనే పెట్టిన పెట్టుబడిని అర్జిన్చిపెట్టిందంటే , ఈ చిత్రం లో నటించడం మాత్రమె కాక , నిర్మాతగా వ్యవహరించి , కధను సమకూర్చి , దర్శకత్వం కూడా వహించిన బహుముఖ ప్రజ్ఞ్యాసాలి , ఈ నటుడి సత్తా మనకు మరోసారి రుజువవుతుంది .

'దశావతారం' చిత్రం లో ఒక పాటలో , కమల్ హస్సన్ ను 'లోక నాయకుడా' అంటూ అభివర్ణించారు . ఈ వర్ణన ఈ మహా నటుడికి సరిగ్గా సరిపోతుంది . నాటి 'మరో చరిత్ర' నుండి , నేటి 'విశ్వరూపం' వరకు , కమల్ హస్సన్ చిత్రాల ఎంపిక , నటనను గమనించిన ఎవ్వరైనా ఈ మాటతో ఏకీభవించక తప్పదు . నటుడు , దర్శకుడు , నిర్మాత , అంతకు మించి సినిమాను గౌరవించె ఒక గొప్ప టెక్నీషియన్ కమల్ హస్సన్ .

కమల్ చేసే ప్రయత్నాలు , తీసే , తీసిన కొన్ని సినిమాలు కొంతమందికి నచ్చవు ... 'ఇది సినేమానేనా ? కమల్ హస్సన్ కి ఏమయ్యింది ? ' అని కమల్ ప్రయత్నాలు చూసి పెదవి విరిచిన వారూ లేకపోలేదు . అయినా , ప్రయత్నాలు చెయ్యడం , విన్నూత్నంగా ఆలోచించడం ఆపలేదు కమల్ ...

జాతీయంగా , అంతర్జాతీయంగా ఎన్నో అవార్డ్లులు , రివార్డులు , గుర్తింపు , కమల్ సొంతం . 'స్వాతి ముత్యం ' , 'సాగర సంగమం' , 'ఆకలి రాజ్యం ' , 'పుష్పక విమానం ', 'మైఖేల్ మదన కామరాజు ', 'సతీ లీలావతి ' ఈ చిత్రాలన్నీ ఈ నటుడి ప్రతిభను తెలిపేవే .

కమల్ హస్సన్ తమిళం లో అయితే తన పాత్రకు తానె గాత్రదానం చేస్తారు , తెలుగులో కూడా , మొన్నటివరకు తానె తన పాత్రలకు గాత్రదానం చేసేవారు , అయితే తరువాతి కాలం లో గాయకులు యస్ . పీ . బాల సుబ్రహ్మణ్యం కమల్ హస్సన్ కి గాత్రదానం చెయ్యటం ప్రారంభించారు .

ఈ విలక్షణ నటుడు ఏ పాత్ర నటించిన తన నటన ద్వారా అందరినీ ఎలా మెప్పిస్తారో , బాలు గారి వాయిస్ కూడా కమల్ హస్సన్ గారికి తెలుగులో అంతే ప్రశంసలను తెచ్చిపెట్టేవిధంగా తోడ్పడుతూ వచ్చింది . ఇందుకు నిదర్సనం , 'విశ్వరూపం' , ఇంతకన్నా ముందు విడుదల అయిన , కమల్ 10 పాత్రలు పోషించిన 'దశావతారం ' , ఈ చిత్రం లో 10 రకాల వేరియేషన్స్ లో కమల్ పోషించిన పాత్రలకు , పాత్రలకు తగ్గట్టుగానే తన గొంతు మార్చి , గాత్రదానం చేసి , బాలు కూడా విలక్షణ కళాకారులు మరొక్కసారి అనిపించుకున్నారు .

ప్రస్తుతం కమల్ 'విశ్వరూపం - 2' కధను తయారు చెయ్యడం లో నిమగ్నమయ్యి ఉన్నారు . త్వరలో ఈ చిత్రం సెట్స్ పైకి . ఈ విలక్షణ నటుడు మరిన్ని విజయాలు సొంతం చేసుకువాలని , ప్రేక్షకులను అలరించాలని ఆశిద్దాం .