తెలుగు భాషకు గర్వకారణం అనంత శ్రీ రామ్

Posted: 04/07/2013 06:58 PM IST

 పాటంటే ఊహల్లో విహరించాలి , మనసును కరిగించాలి , ఉత్తేజాన్ని రగిలించాలి , ఒక్క మాటలో చెప్పాలి అంటే నవరసాలని పలికించాలి ... అయితే ఇది కేవలం సంగీత దర్శకుడి అద్భుత బాణీల వల్ల మాత్రమె సాధ్యం కాదు ... పాటకు , స్వరానికీ సరిగ్గా సరిపోయే మాట ఇందుకు తోడవ్వాలి ... అందుకే , ఘంటసాల దగ్గరి నుండి ఇళయరాజా వంటి సంగీత దర్శకులని , ఘంటసాల మాస్టర్ , బాల సుబ్రహ్మణ్యం , జానకి , సుశీల , చిత్ర వంటి గాయనీమణులని మనం ఎంతగా ఆరదిస్తామో , వేటూరి , ఆరుద్ర , సిరివెన్నెల వంటి రచయితలని కూడా అంతగానే అభిమానిస్తాం ...

 ఈ మధ్య కాలం లో తెలుగు భాషకు , తెలుగు సినిమా పాటకు గుర్తింపు గా నిలిచినా యువ పాటల రచయితా ఎవరు అంటే , తడుముకోకుండా మనం చెప్పే పేరు 'అనంత శ్రీరాం ' ... ఇంజినీరింగ్ చదువుని కూడా పక్కన పెట్టి తన మనసు చెప్పిన బాటన నడిచాడు కాబట్టే , అనంత శ్రీరాం ఈ రోజు అటు పౌరాణిక చిత్రాలకు , ఇటు కుటుంబ కధ , యాక్షన్ చిత్రాలు , ప్రేమ కధలు ఇలా అన్ని భావాలలో చిత్రాలకి పాటల రచయితగా మంచి పేరు సంపాదించుకున్నాడు ...

 'ఎం మాయ చేసావే' చిత్రం లోని పాటలు ఇప్పటికీ మన మనసుని దోచాయి అంటే , ఏ . ఆర్ . రెహ్మాన్ సంగీతానికి అనంత శ్రీ రామ్ కలం కూడా తోడవ్వడమే ... అత్యంత అధికంగా ప్రేక్షకాదరణ పొందిన 'బొమ్మరిల్లు' చిత్రం లో అంతే ప్రాముఖ్యత పొందిన పాట 'అప్పుడో ఇప్పుడో', ఈ పాట ద్వారా పాటల రచయిత గా తెలుగు సినిమా రంగం లో తన స్థానాన్ని సుస్థిరం చేసుకున్నాడు అనంత శ్రీ రామ్ ...

ఎంతటి చేయి తిరిగిన రచయితకి అయినా , ఒక్కోసారి పాటకు మాటలు కరువవుతాయి ... ఆలోచన పని చెయ్యడం ఆగిపోతుంది ఇటువంటి సమయం లో కాస్త సమయం తీసుకుని అయినా , అద్భుతమైన పాటలు రాయడం రచయిత వంతు ... అనంత శ్రీరాం కి ఇలాంటి సంఘటనే ఎదురయ్యింది ఒకసారి ... చందమామ సినిమా లో 'నాలో ఊహలు ' పాట రాయడానికి ఏకంగా 33 రోజులు సమయం తీసుకున్నాడు , ఈ రచయిత ... ఆశా భోంస్లే చేత ఈ పాట పాడిస్తున్నారు అని తెలియగానే , అటు వంటి మహా గాయని పాడుతున్నప్పుడు , చిత్రం లో ఈ పాటకు ముందు వచ్చే సన్నివేశం ప్రేమ భావాన్ని ఎంత మధురంగా పలికించినప్పుడు , తన పాటకూడా అంతే సమానంగా ఉండాలి అనుకున్న శ్రీ రామ్ , అనుకున్నట్టుగానే , తోలి సారిగా ప్రేమ యొక్క మాధుర్యాన్ని చవి చూసే ప్రతీ హృదయం లో ని భావం ఇలాగే ఉంటుంది అని అనిపించేంత చందంగా ఈ పాట రాసాడు .

'అరుంధతి ' చిత్రం మనల్ని ఎంతగా భయపెట్టిందో , మనందరికీ గుర్తే ... అయితే ఈ చిత్రం లో ఒళ్ళు గగుర్పాటు పెట్టె సన్నివేశానికి ముందు , దివ్యమైన , మంగళకరమైన పెళ్లి పాట , పెళ్లి కూతురుగా ముస్తాబవుతున్న కధానాయిక సౌందర్యాన్ని వర్ణించే పాట 'చందమామ నువ్వే నువ్వే ' అనే పాట ... అనంత శ్రీ రామ్ కలం మాయాజాలం వల్ల ఈ పాటకు యెనలేని గుర్తింపు వచ్చింది అనే చెప్పాలి ...

ఇలా ఇప్పటి తరం పాటల రచయితలలో , తెలుగు ని తెలుగుగానే , ఇటు తేలికగా , అటు భాషలోని భావాలని లోతుగా తన రచనల ద్వారా అందించే అనంత శ్రీ రామ్ పుట్టిన రోజు ఈ రోజు ... ఈ సందర్భంగా ఈ యువ కెరటానికి జన్మదిన శుభాకాంక్షలు