కేంద్రమంత్రి వెంకయ్య వ్యాఖ్యలు తికమకపెడుతున్నాయి

Posted: 06/24/2015 07:36 PM IST

Venkaiah naidu about centre s intervention

కేంద్ర మంత్రి వెంకయ్యనాయుడు.. ఎంత మాటకారి అంటే.. ఆయన వ్యాఖ్యాలను అర్థం చేసుకోడానికి రాజకీయ నాయకులకే చాలా సమయం పడుతుంది. ఏ అంశంపైనా కానీ, అనర్గళంగా మాట్లాడగల మంచి వక్త కూడా. అయితే ఇవాళ ఆయన చేసిన వ్యాఖ్యాలలోని పరమార్థం మాత్రం తెలంగాణ ప్రజలను సందిగ్థంలోకి నెట్టాశాయి. దేశంలోని ఏ రాష్ర్టాల మధ్య వివాదాలు చెలరేగినా.. కేంద్రం జోక్యం చేసుకోదని, అది తెలుగు రాష్ట్రాలైతే నేమి, లేక మరోకటి అయితేనేమి అని ఆయన అన్నారు. ఇంతవరకు బాగానే వున్నా ఇక్కడే అసలు విషయం బొధపడక తెలంగాణ ప్రజలు బుర్రలకు పదునుపెడుతున్నారు. అదేంటంటారా..?

సెక్షన్‌-8పై రెండు రాష్ర్టాలు కేంద్రాన్ని సంప్రదిస్తే ఈ అంశాన్ని కేంద్రం పరిశీలిస్తుందని చెప్పడమే తెలంగాణ అధికార, విపక్ష పార్టీలతో పాటు తెలంగాణ ప్రజలను కూడా తికమక పెడుతోంది. ఓటుకు నోటు కేసు వ్యవహరామన్ని రోజుల మిన్నకుండిన వెంకయ్య.. ఇప్పడు సెక్షన్ 8 పై మాత్రం రెండు రాష్ట్రాలు కేంద్రాన్ని సంప్రదిస్తే.. ఈ అంశాన్ని పరిశీలించడమేమిటని ప్రశ్నిస్తున్నారు. రెండు రాష్ట్రాల మధ్య తెలంగాణ ఎమ్మెల్సీ ఎన్నికల నేపథ్యంలో అవినీతి బాగోతానికి తెరలేపిన టీడీపీకి వెనకేసుకువస్తున్న కేంద్రం.. మిత్రపక్షంపై చర్యలు తీసుకోకుండా.. సెక్షన్ 8 అంశాన్ని పరిశీలిస్తామని చెప్పడం.. కేంద్రం పక్షఃపాత ధోరణికి నిదర్శనమని తెలంగాణ వాదులు విమర్శలు గుప్పిస్తున్నారు.

జి మనోహర్