ఇంచార్జీగా ఎవర్నైనా పెట్టుకోండి : జయసుధ

Posted: 06/23/2015 12:12 PM IST

Jayasudha strong reaction for uttam kumar question

తెలంగాణ సీఎం కేసీఆర్ తో నటి, సికింద్రాబాదు మాజీ ఎమ్మెల్యే సన్నిహితంగా వున్న నేపథ్యంలో ఆమె టీఆర్ఎస్ పార్టీలోకి జంప్ అవుతున్నట్లుగా ప్రచారాలు మొదలయ్యాయి. త్వరలోనే ఈమె జయసుధ కాంగ్రెస్ కి చేయిచ్చి గులాబీ కప్పుకుంటారని పుకార్లు షికార్లు చేశాయి. ఇలా వార్తలు వచ్చిన నేపథ్యంలో కాంగ్రెస్ పార్టీ పెద్దలు ఆమె మీద ఆగ్రహంగా వున్నట్లు తెలుస్తోంది. ఆమెను పార్టీ నుంచి సస్పెండ్ చేసి, సికింద్రాబాదుకు కొత్త ఇంచార్జీని నియమించేలా కాంగ్రెస్ పార్టీ పెద్దలు పావులు కదుపుతున్నట్లు సమాచారం!

జయసుధ అంశంపై చర్చించేందుకు ఈరోజు (23-06-2015) ఉదయం టీ పీసీసీ నేతలు కీలక భేటీ నిర్వహించారు. ఈ భేటీలో ఉత్తమ్ కుమార్ రెడ్డితోపాటు టీ.సీఎల్పీ నేత జానారెడ్డి, పలువురు కీలక నేతలు పాల్గొన్నట్లు సమాచారం. ఈ సందర్భంగా ఉత్తమ్ కుమార్ నటి జయసుధకు ఫోన్ చేశారు. ఈ ఫోన్ సంభాషణల్లో భాగంగా ఆయన సికింద్రాబాదు నియోజకవర్గ ఇంచార్జీని మార్చాలనుకుంటున్నామని ఆమెతో చెప్పారని, ఈ విషయంలో తన అభిప్రాయాన్ని తెలియజేయాలంటూ కోరారట. ఇలా ఒక్కసారిగా నియోజకవర్గ ఇంచార్జీని మార్చాలన్న పార్టీ నిర్ణయంపై నోచుకున్న ఆమె.. ఉత్తమ్ ప్రశ్నకు కాస్త ఘాటుగానే సమాధానం ఇచ్చారు. ‘ఇంచార్జీగా మీ ఇష్టమొచ్చిన వారిని మార్చుకోండి.. నాకెలాంటి అభ్యంతరం లేదు’ అని ఆమె పేర్కొన్నారు.

జయసుథ ఈ విధంగా కఠువుగా సమాధానం ఇవ్వడాన్ని చూస్తుంటే.. ఆమె టీఆర్ఎస్ లోకి జంప్ అయ్యే అనుమానాలకు మరింత బలం చేకూరినట్లు తెలుస్తోంది. అంతేకాదు.. పార్టీ మారే విషయమై తనకున్న కాస్త ఇబ్బందినీ ఉత్తమ్ తీర్చారన్న భావనలో జయసుధ వున్నారని చెప్పుకుంటున్నారు. మరి.. జయసుధ పార్టీ మారుతారా? లేదా? అనేది తెలియాలంటే ఇంకొన్నాళ్లు ఆగాల్సిందే!