తెలంగాణవారు ఏపీలో కలిసే రోజు వస్తుంది : సోమిరెడ్డి

Posted: 05/26/2015 03:45 PM IST

టీడీపీ సీనియర్ నేత సోమిరెడ్డి చంద్రమోహన్ రెడ్డి సరికొత్త జోస్యం చెప్పారు. భవిష్యతుల్లో తెలంగాణ ప్రజలు ఆంధ్రప్రదేశ్ లో కలవాలనుకునే రోజు వస్తుందని ఆయన అన్నారు. రాష్ట్రం విడిపోయిన తర్వాత ఆంధ్రప్రజలు తీవ్ర ఇబ్బందులు ఎదుర్కొంటున్నారని, అయిత ఆ పరిస్థితి మారే రోజు త్వరలోనే వుందని చెప్పారు. రాష్ట్రంలో ఎక్కడా లేనంతగా నెల్లూరు జిల్లాకు పరిశ్రమలు తరలి వస్తున్నాయని ఆయన వెల్లడించారు. అధికారుల కారణంగా టీడీపీ కార్యకర్తలకు నష్టం జరిగితే ఊరుకోమని సోమిరెడ్డి హెచ్చరించారు.

అలాగే.. నిత్యం విమర్శలు చేస్తున్న ఏపీ కాంగ్రెస్ నేతలపై సోమిరెడ్డి విరుచుకుపడ్డారు. రాష్ట్రంలోని అందరు అభ్యర్థులు డిపాజిట్లు కోల్పోయిన పార్టీగా కాంగ్రెస్ రికార్డ్ సృష్టించిందని విమర్శించారు. గత పదేళ్లలో జరిగిన అన్ని కుంభకోణాల్లో కాంగ్రెస్ నేతలకు సంబంధాలున్నాయని, వారందరికీ అవినీతితో కళ్లు మూసుకుపోయాయని ఆరోపించారు. లోకేష్ కుమారుడిపై కూడా విమర్శలు గుప్పించే దౌర్భాగ్య స్థితికి కాంగ్రెస్ వస్తుందని ఆరోపించారు. పూర్తిగా అవినీతిలో కూరుకుపోయిన కాంగ్రెస్ నేతలు.. చేతనైతే మెరుగైన పాలనకోసం సలహాలు ఇవ్వాలని, లేకపోతే నోర్మూసుకుని కూర్చోవాలని ఘాటు వ్యాఖ్యలు చేశారు.