బాబుకు అంత ధైర్యం లేదు : తలసాని

Posted: 02/21/2015 05:20 PM IST

ఏపీ సీఎం చంద్రబాబునాయుడు దగ్గర రాజకీయ పాఠాలు నేర్చుకున్న మంత్రి తలసాని.. ఇప్పుడు టీఆర్ఎస్ లోకి చేరిపోయి టీడీపీపై ధ్వజమెత్తుతున్నారు. ఆమధ్య తనను టీఆర్ఎస్ కు వ్యతిరేకంగా చెప్పమని బాబు రెచ్చగొట్టారని, అందుకే తాను పార్టీ మారానని స్పష్టం చేసిన తలసాని.. తాజాగా మరోసారి ఆయనపై విరుచుకుపడ్డారు. ప్రస్తుతం తెలంగాణ వాణిజ్య పన్నుల శాఖమంత్రిగా కొనసాగుతున్న ఈయన.. బాబుకు ధైర్యం లేదంటూ ఆరోపించారు. ఈ నేపథ్యంలోనే ఆయన ఇలా..

* ఆంధ్రప్రదేశ్ రాష్ట్రానికి ప్రత్యేక హోదా అడిగేందుకు ఆ రాష్ట్ర సీఎం చంద్రబాబుకు ధైర్యం లేదని తలసాని వ్యాఖ్యానించారు.
* రాష్ట్ర విభజన నేపథ్యంలో ఏపీకి ప్రత్యేక హోదా, అవసరమైన మేర నిధులకోసం కేంద్రాన్ని అడిగేందుకు బాబు భయపడుతున్నారని అన్నారు.
* ప్రత్యేక హోదా, నిధుల విషయాలను కేంద్రప్రభుత్వం వద్ద ప్రస్తావించేందుకు బాబుకు ధైర్యం చాలడం లేదని చెప్పారు.
* పేదరికం లేని సమాజాన్ని నిర్మిస్తానన్న బాబు.. తన కుటుంబ ఆస్తులను సరిచూసుకోవాలంటూ ఎద్దేవా చేశారు.
* తప్పుడు హామీలు ఇస్తూ బాబు ప్రజలను మభ్యపెడుతున్నారని ధ్వజమెత్తారు.