చంద్రులిద్దరూ మంచి పాలకులే

Posted: 01/02/2015 05:47 PM IST

ఆంధ్రప్రదేశ్ మరియు తెలంగాణ సి ఎం లు ఇద్దరూ కూడా మంచి దార్శనికులని, వారు తమ పాలనను చాలా చక్కగా కొనసాగిస్తున్నారని, ఇరు రాష్ట్రాల్లో సమస్యలు ఉన్నమాటే వాస్తవమేనని క్రొత్త రాష్ట్రాలు కనుక ఇప్పటికి ఇప్పుడు ఆ సమస్యలు పరిష్కారం అయ్యేవి కావని తెలుగు రాష్ట్రాల ఉమ్మడి గవర్నర్ నరసింహన్ అన్నారు. తాను ఇద్దరు సి ఎం లకూ స్నేహితుడేనని, మార్గ నిర్దేశకుడేనని తన పరిధి మేరకే నడుచుకుంటానని, పరిపాలన లో అసలకి జోఖ్యం చేసుకోనని స్పష్టం చేశారు.

సమస్యల పరిష్కారానికి రెండు రాష్ట్రాల సి ఎం లతో తరచు సమావేశాలు జరుపుతానని అన్నారు. ఎంసెట్ నిర్వహణ పై తనకు అధికారిక సమాచారం లేదని, ఇరు రాష్ట్రాలకు కొన్ని ప్రతిపాదనలు ఇచ్చానని వాటిపై తుది నివేదిక కోరానని తెలిపారు. ఏది ఏమైనా ఇరు రాష్ట్రాలు సమన్వయం చేసుకొని అభివృద్ధి దిశగా అడుగులు వేస్తాయని ఆశాభావం వ్యక్తం చేశారు. రెండు రాష్ట్రాల సి ఎం లు సమస్యలను పరిష్కరించుకుంటారని తెలిపారు. పరస్పర చర్చల ద్వారా అన్ని సమస్యలు పరిష్కారం అవుతాయని సందర్భం వచ్చినప్పుడు ఇద్దరు సి ఎం లతో బేటిలను జరుపుతున్నానని తెలిపారు.

హరికాంత్