మేమేంటో గోల్కొండలో చూపిస్తాం

Posted: 09/16/2014 02:47 PM IST

టీఆర్ఎస్-బీజేపి మద్య మరోసారి మాటల యుద్దం మొదలైంది. ఉప ఎన్నికలు ముగిసినా.., రెండు పార్టీల మద్య విమర్శల పర్వం మాత్రం ముగియటం లేదు. రెండు పక్షాలు సవాల్ళు.., ప్రతి సవాళ్ళతో రాజకీయ వేడిని రాజేస్తున్నాయి. తాజాగా సెప్టెంబర్ 17 అంశంగా తెలంగాణ ప్రభుత్వంపై కిషన్ రెడ్డి విమర్శలు చేశారు. తెలంగాణ ప్రత్యేక రాష్ర్టం ఏర్పడక ముందు సెప్టెంబర్ 17ను ప్రభుత్వమే అధికారికంగా నిర్వహించాలన్న టీఆర్ఎస్ నేతలు ఇప్పుడు అధికారంలో ఉండి కార్యక్రమం ఊసెత్తటం లేదు ఎందుకని ప్రశ్నించారు. తెలంగాణ విమోచన దినంపై ప్రభుత్వం నోరు విప్పాలన్నారు.

స్వాతంత్ర్య దినోత్సవ ఉత్సవాలను నిర్వహించిన గోల్కొండ కోటలో ప్రభుత్వం సెప్టెంబర్ 17న జాతీయ జెండాను ఎగురవేయలన్నారు. లేకపోతే తామే ఖిల్లాపై జెండా ఎగురవేసి సత్తా చాటుతామని సవాల్ చేశారు. కేవలం మజ్లిస్ ఒత్తడితో చరిత్రను కాలగర్భలో కలిపేస్తున్నారని కిషన్ రెడ్డి విమర్శించారు. ‘‘తెలంగాణ సాయుధ పోరాటం’’లో పాల్గొన్నవారికి పెన్షన్లు ఆపేయటంపై మండిపడ్డారు. ఉద్యమకారులను ఇలాగే గౌరవిస్తారా? అని ప్రశ్నించారు. మా నిజాం రాజు తరతరాల బూజు అన్న దాశరథి మాటలను కేసీఆర్ ఖండిస్తారా? అని కిషన్ రెడ్డి సూటిగా ప్రశ్నించారు.

కార్తిక్