పిల్లి కథ చెప్పిన చంద్రబాబు

Posted: 02/07/2014 04:43 PM IST

తెలుగుదేశం పార్టీ అధినేత నారా చంద్రబాబు నాయుడు ఈరోజు టీడీఎల్పీ కార్యాలయంలో  మీడియా సమావేశం అయ్యారు. 

*  రాజ్యసభ ఎన్నికలు కుట్రకు పరాకాష్ఠ అని  చంద్రబాబు  నాయుడు అన్నారు.

*  కాంగ్రెస్ పార్టీ, వైకాపా తెరాసల పరిస్థితి చూస్తే  కళ్లు మూసుకొని పాలుతాగుతున్న పిల్లి కథ  గుర్తొస్తొందన్నారు. 

*  కాంగ్రెస్ అవగాహనలో భాగంగానే తెరాస పోటీ చేసిందని, తెరాస, కాంగ్రెస్  అభ్యర్థులను గెలిపించేందుకే జగన్ రాజ్య సభకు తమ పార్టీ సభ్యులను పోటికి పెట్టలేదని అన్నారు.

*  కాంగ్రెస్ పార్టీ, వైకాపా, తెరాసా  10 జనపథ్ స్ర్కిప్ట్  అమలు చేసేందుకు బాగా కష్టపడుతున్నాయని  చంద్రబాబు ఆరోపించారు. 

*  రాష్ట్ర ముఖ్యమంత్రి నల్లారి కిరణ్ కుమార్ రెడ్డి  కాంగ్రెస్ పార్టీ అధిష్టానాన్ని  వ్యతిరేకిస్తూనే..   రాజ్యసభకు  అభ్యర్థుల చేత  నామినేషన్లు  వేయించారని అన్నారు. 

*  అధిష్టానానికి వ్యతిరేకం అంటూనే  రెబల్ అభ్యర్థితో  ఉపసంహరణ చేయించారని  చంద్రబాబు గుర్తు చేశారు. 

*  రాష్ట్ర ముఖ్యమంత్రి  నల్లారి కిరణ్ కుమార్ రెడ్డి  కాంగ్రెస్ అధిష్టానం ఆడించే డ్రామాలో  ఒక భాగమేనని .. బాబు మీడియాతో  అన్నారు.

*  అంతేకాకుండా  పార్టీనుంచి  వెళ్లిపోయిన వారికి అవినీతి  పనులు చేసేందుకు  అధికారం ఎవరిచ్చారని చంద్రబాబు ప్రశ్నించారు. 

*  రాష్ట్ర ప్రజలు  కాంగ్రెస్  పార్టీ తో  విసిగిపోయారని, గుజరాత్  ముఖ్యమంత్రి  నరేంద్ర మోడీకి దీటుగా ఎవరూ  పనిచయడం లేదని  బాబు అన్నారు. 

*  వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్ మోహన్ రెడ్డి చెప్పేది సమైక్యవాదమని,  చేసేది మాత్రం విభజనవాదమని  చంద్రబాబు ఆరోపించారు. 

*  ఆంద్రప్రదేశ్  రాష్ట్ర విభజనలో  మొదటి  ముద్దాయి  కాంగ్రెస్ పార్టీ అధినేత్రి  సోనియాగాంధేయేనని  చంద్రబాబు విమర్శించారు. 

 

-ఆర్ఎస్