దాసిన చట్టమాశబరి దానిదయామతి నేలినావు నీ
దాసుని దాసుడా గుహుడు తావక దాస్య మొసంగినావు నే
జేసిన పాపమో.. వినుతి చేసిన గానవు గావుమయ్య నీ
దాసులలోన నేనొకఁడ దాశరథీ కరుణాపయోనిధీ

దాసినన్ = దగ్గఱకు వచ్చినంతనే, చుట్టమా = బంధువా, నీ దాసుని = నీ భక్తుని, దాసుడా = భక్తుడా, దాస్యము = నీ సేవను, విసుతి = స్తోత్రము

తాత్పర్యం : నీకు చుట్టముగానట్టి శబరిని కరుణించితివి. గుహుడు నీ భక్తుని భక్తుడా ? వానికి నీ సేవజేయు భాగ్య మొసగితివి. నేను జేసిన పాపమేమి. ఎంత పొగిడినను రక్షింపవు ? రక్షింపుము, నేను నీ భక్తుడినే.

రామవిశాలవిక్రమ ప రాజిత భార్గవరామ సద్గుణ

స్తోమ పరాంగనావిముఖ సువ్రత కామ వినీల నీరద 

శ్వామ కకుత్థ్సవంశకల శాంబుధిసోమ సురారిదోర్బలో

ద్ధామవిరామ భద్రగిరి దాశరథీ కరుణాపయోనిధీ !

టీ.కా. : రామ = జనులను సంతోషింపజేయువాడా! విశా-రామ = బలవంతుడైన పరుశురాముడిని ఓడించినవాడా; సద్గు-స్థోమ = మంచి గుణాల సమూహం; పరాంగ-కామ = ఇతర స్త్రీలమీద ఆసక్తి చూపకుండా దయాభిలాష కలిగినవాడు; వినీ-శ్యామ = నల్లని మేఘంవలె వున్నవాడు; కకు-సోమ = కకుత్థ్స వంశమైన పాలసముద్రానికి చంద్రునివంటివాడు; సురా-విరామ = రాక్షసుల భుజాలను అణిచివేసినవాడు

తాత్పర్యము : సమస్త జీవరాసులను సంతోషింపజేసిన వాడవు.. పరశురాముని ఓడించి జయించినవాడవు.. పరుల స్త్రీలమీద ఆసక్తి లేనివాడవు.. నల్లని మేఘంవంటి శరీరకాంతిని గలిగినవాడవు.. కాకుత్థ్స వంశమైన సముద్రానికి చంద్రునివంటివాడివి.. రాక్షసులను సంహరించినవాడైన భద్రాచల రామా!